Convivencia

Os días 6 e 7 de outubro os equipos de Mediación Escolar de primaria e secundaria tivemos unha xornada de convivencia no albergue de Sabucedo na Estrada.

Rodeados dun entorno natural espectacular estivemos traballando e poñéndonos ao día sobre as técnicas de mediación e resolución de conflitos, tamén aproveitamos para coñecernos mellor e coñecer Sabucedo.

Foi unha experiencia estupenda e pasámolo moi ben. Premede nas imaxes para ver unhas fotos das xornadas.

Este luns 27 de marzo o alumnado de 1º da ESO desprazouse a Santiago para ver a obra de teatro: Mr Bullying, ¡todos contra el!

Esta obra da compañía El Replà trata o tema do acoso escolar representando unha situación na que unha alumna chega nova a un instituto onde esperta simpatías con algúns compañeiros e inseguridades con outros, recreando unha situación que se vive nos centros educativos, nos que as bromas deixan de selo, os compañeiros déixanse levar polos comentarios de terceiros e a vida da protagonista vese afectada e prexudicada sen saber moi ben o que está pasando...

A actividade forma parte das actuacións que se desenvolven nas titorías para  reflexionar que é o que leva a uns rapaces e/ou rapazas a exercer a violencia sobre outro/a e poder así, corrixir problemas emocionais e relacionais que poden ter graves consecuencias.

Podedes premer na imaxe para ver algunhas fotos ou visitar a nosa galería de imaxes.

O alumnado da ESO do noso centro celebrou o Día da Muller cun obradoiro de graffitti en directo da artista NANA, baixo o título "Cóntame outro conto" no Pavillón Municipal de Deportes. A esta actividade acudiron o alcalde de Cuntis Manuel Campos, a concelleira municipal de Igualdade Conchi Campos e a presidenta da Deputación de Pontevedra Carmela Silva Rego. 

Aquí vos deixamos unhas fotos da actividade e uns enlaces á noticia do día no noso colexio.

https://www.facebook.com/DeputacionPontevedra/photos/rpp.190296897664686/1574135375947491/?type=3&theater

 http://www.depo.es/web/edepo/-/noticia-a-deputacion-organiza-este-mercores-8-de-marzo-unha-accion-escenica-en-cuntis-no-marco-do-programa-mulleres-en-accion-violencia-zero-

http://www.depo.es/web/edepo/-/noticia-carmela-silva-sublina-no-proxecto-%E2%80%9Cviolencia-zero%E2%80%9D-en-cuntis-que-sen-as-mulleres-o-mundo-parariase

http://www.noticieirogalego.com/2017/03/a-deputacion-de-pontevedra-sumarase-ao-paro-internacional-das-mulleres-o-8-de-marzo/

Este xoves 19 de xaneiro o alumnado da ESO do noso centro tivo a oportunidade de desfrutar dunha das mellores clases dos últimos anos. Primeiro viron o documental "ASTRAL" de laSexta sobre a traxedia humanitaria dos refuxiados que tentan fuxir da guerra e morren no Mediterráneo sen que os gobernos europeos fagan nada.

E despois do vídeo introdutorio tivemos unha charla do veciño de Cuntis e ex-alumno do centro, Pablo Camino, que deixou sen fala e estremecido o alumnado ao contarlles a historia que el mesmo viviu na illa grega de Lesbos axudando a chegar a europa a bebés, nenos e nenas, mulleres e homes coma nós que foxen do horror da guerra.

Premede nas imaxes ou botádelle un ollo á nosa galería de fotos para ver algún dos momentos vividos nesta xornada.

Este ano o alumnado de primaria do noso colexio celebrou dun xeito moi especial o Día dos Dereitos da Infancia. Primeiro traballaron nas aulas durante toda a semana sobre contos e materiais relacionados cos dereitos da infancia, despois fixeron un pasaporte de acollida dun compañeiro/a e con este "pasaporte solidario" tiñan acceso á actividade final desta semana de traballo, o grande concerto do poeta e cantautor cuntiense Manoele de Felisa coa colaboración da nosa mestra de sexto de primaria Conchi Martínez.

Todo este traballo está enmarcado dentro dos Plans Proxecta nos que participa o noso centro e foi posto en marcha dende a Comisión de Convivencia co alumnado de primaria. Aquí podedes ver unhas fotos do concerto premendo nestas imaxes ou visitando a nosa galería de fotos.