Ed. Primaria

Obradoiro de novas masculinidades

Lun, 2020-03-09 09:27 — secretaria

Acaban de comenzar a desenvolverse, no noso centro, obradoiros de novas masculinidades dirixidos ao alumnado de 5º e 6º de EP.

Aquí tedes unha pequena mostra da actividade.

Teatro 3º e 4º de EP: "Nana para un soldado"

Ven, 2020-03-06 13:19 — secretaria

O día 5 de marzo, o segundo ciclo de primaria (3º e 4º) asistimos ao Teatro A Fundación e ao Café Moderno, en Pontevedra.

No teatro vimos unha peza titulada "Nana para un soldado". Conta a historia de dous militares de bandos inimigos que querían facerse cunhas ruínas, pero resultaron ser a casa dunha pacifista muller embarazada. Conseguirán deixar as armas? Conseguirán sobrevivir aos bombardeos?

Despois visitamos o Café Moderno onde nos ensinaron estratexias para vivir máis de 100 anos e nós, a través dun obradoiro, inventamos trebellos para que os nosos maiores consigan cumprir un século.

A RADIO NO CPI.

Mar, 2020-03-03 10:37 — secretaria

O pasado 28 de febreiro o noso alumnado puido asistir a un programa de radio emitido en directo desde o noso centro onde se promocionaba a nosa festa do lacón con grelos. Tamén interviron contestando algunhas preguntas sobre Cuntis.

Nesta ligazón podedes escoitar as intervencións do noso alumnado.

Programa de radio Festa do lacón con grelos

Plan Proxecta. Aliméntate ben.

Mar, 2020-03-03 10:28 — secretaria

O 11 de febreiro o alumnado de 2° , 3 ° e 4° de EP asistiron ao obradoiro " O sabor da aventura está no mar" , dentro do plan proxecta "Aliméntate ben", no que o noso centro leva participando varios anos.

Neste obradoiro faláronnos da importancia de peixes e mariscos na alimentación. Despois xogamos a oca da aventura está no mar, onde nos facían preguntas sobre o explicado na charla previa.

Teatro 1º e 2º de Educación Primaria.

Lun, 2020-02-10 09:27 — secretaria

O xoves dia 6 de Febreiro os alumnos e alumnas de 1° e 2° de EP asistiron a obra de teatro " Safari" en Pontevedra. Despois visitaron a sala de exposicions do cafe moderno cunha visita guiada polas distintas salas e un obradoiro de debuxo.

Aqui vos deixamos unha pequena mostra da actividade.

Plan Proxecta. O mundo que queremos (OMQQ)

Mér, 2020-01-29 09:16 — secretaria

O alumnado de 6º de Educación primaria e de 2º da ESO están a participar no plan proxecta "O mundo que queremos" que versa trata contidos de educación ambiental e desenvolvemento sostible.

Despois dunha xornada previa de sensibilización, os diferentes grupos en aspectos concretos do desenvolvemento sostible e dáranlle forma a través de técnicas audiovisuais e radio.

Aquí vós deixamos unh pequena mostra da actividade.

SAÍDA Á CORUÑA

Lun, 2020-01-27 06:27 — secretaria

Este venres 31 de xaneiro o alumnado de 1º, 2º e 3º de Educación Primaria realizaron unha visita a cidade de A Coruña para coñecer as propostas dos distintos museos científicos coruñeses.

En primeiro lugar visitaron a casa das ciencias onde asistiron a unha sesión no planetario, onde aprenderon aspectos relacionados co sistema solar.

Máis tarde dirixíronse á Domus (Casa do home) onde puideron comprobar a sú a capacidade de salto, de axilidade, de concentración ou realizar diversos experimentos relacionados co ser humano.

Por último, visitaron o acuario da cidade, onde puideron ver diversas especies de peixes e asistiron a unha exhibición coas focas do mesmo.

Aquí vos deixamos unha pequena mostra da actividade.

TEATRO EN INGLÉS: 5º e 6º de EP

Lun, 2020-01-27 06:16 — secretaria

Este venres 24 de xaneiro o alumnado de 5º e 6º de EP realizaron unha saída a Pomtevedra para asistir á representación da obra de teatro: "Alice's adventure". Despois do teatro dirixíronse ao Café Moderno para asistir a unha exposición de Arte moderno e a un obradoiro de expresión artística.

Aquí vos deixamos unha pequena mostra da actividade.

CAMPO A TRAVÉS 2019 (PROGRAMA XOGADE)

Mar, 2019-12-10 10:43 — secretaria

O xoves 5 de decembro o alumnado de 2º, 3º, 4º, 5º e 6º de Educación Primaria participou no campo a través que tivo lugar na praia fluvial de Liñares (A Estrada).

Aquí tendes unha pequena mostra da actividade.

A NENA E O GRILO

Mér, 2019-12-04 13:59 — secretaria

O mércores 4 de decembro o alumnado de 1° e 2° de Educación Primaria foron á Pontevedra para asistir ao teatro musical de "A nena e o grilo máis aló". Unha historia divertida onde se resalta a amizade, a colaboración, a tolerancia e a superación dos medos.

Aquí vos deixamos unha mostra desta actividade.