Na semana do 6 ao 10 de febreiro as alumnas e alumnos de 3º e 4º de primaria puidemos desfrutar dun obradoiro de ciencia relacionado co tema do noso PDI: a primeira volta ao mundo de Magallanes e Elcano. Aprendemos, entre outras cousas, cal é a composición do noso planeta e como son os dous movemento que fai: rotación e translación. Vimos dun xeitto práctico, como se orixinan as estacións e por que a Lúa sempre nos esconde unha cara.

Tamén aprendemos unha cousa asombrosa: as representacións planas da Terra non reflicten o tamaño real dos continentes. A que non o sabiades?

Os alumnos de 5º seguindo coa temática de respecto ao medio ambiente realizaron unha cociña solar na aula. Despois engadiron algúns alimentos para que se cociñaran. Aquí temos unha imaxes.

O mércores 9 de febreiro, o alumnado de cuarto acudiu á biblioteca do cole para participar nas actividades da exposición itinerante Ciencia en Movemento.