RESPECTO, COOPERACIÓN, TRABALLO EN EQUIPO ... son valores que se traballan diariamente no noso centro, pero ademais, deixamos aquí o resultado final dun traballo específico sobre a igualdade de xénero.
Agradecemos a Cristina Sáez a súa colaboración e compartimos con todos vós o seu poema.
No DOG do 12 de novembro de 2021, publícase a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, secundaria obrigatoria e educación especial en centros docentes sostidos con fondos públicos dependentes desta consellería, así como en centros privados concertados, no curso 2021/22.
Terán dereito a máscaras as familias que tiveron cheque de material, aquelas que teñen renda per cápita igual ou inferior a 6.000 euros (exercicio fiscal do ano 2019, recadros 435 e 460) e alumnado con discapacidade igual ou superior ao 65%.
ACLARACIÓNS:
O alumnado de Ed. Primaria que tivo cheque de material non ten que presentar solicitude.
Os que teñan que presentar a solicitude farano de xeito presencial no centro.
O prazo de presentación será do 15 ao 26 de novembro, ambos inclusive.
Un ano máis, o ANPA encargouse de mercar e asar castañas para todo o alumnado do centro. Agradecemos a súa colaboración e deixamos aquí unha mostra desta xornada festiva (pincha na foto para ver un pequeno álbum).
O CEIP Vila de Rutis foi agasallado co terceiro premio no Concurso de Radio Escolar convocado pola Universidade de Santiago de Compostela, pertencente ao Proxecto Europeo Erasmus+, denominado SCHOOLS 21C (Modalidade A)
O venres, 5 de novembro, levouse a cabo a conferencia final do proxecto e a entrega de premios. Este acto foi presentado por Dna. Carmen Fernández Morante, Decana da Facultade de Educación da USC e por Dna. Milagros Trigo Miranda, mestra e persoal investigador “ ad honorem “ da mesma Facultade, así como representantes das diferentes entidades participantes no proxecto.
Deixamos aquí unha mostra deste acto no que a mestra Dna. Natividad Varela recolleu o premio, así como unhaalusión ao noso traballo no programa Hoy por hoy de Radio Coruña retransmitido ese mesmo día.
Noraboa a todo o alumnado por este premio recibido!!!
