Faragullas de papel

Na biblioteca habilitamos un novo espazo para o Club de Lectura. Como podedes ver, aparecen todas as lecturas do club, tanto de nen@s como a de adultas, e o gran premido recibido en Madrid!

Onte tivemos a primeira reunión do club de lectura "Faragullas de Papel" do que formamos parte este ano 31 nenos e nenas de 5º e 6º e catro profes. Falamos do premio que nos diron e entregamos unhas pulseiras co símbolo do infinito que representan as nosas infinitas ganas de ler.  Ademais presentámonos, explicamos algunhas normas de funcionamento, dimos a coñecer os libros deste trimestre e algunhas das súas actividades e explicamos brevemente o uso de plataformas de lectura en liña como E-LBE ou Galicia.Le.

O 9 e 10 de outubro de 2023, varias alumnas de 6º de educación primaria que partiparon no club de lectura "Faragullas de papel" no curso 2022-2023 viñeron animar ao alumnado de 5º de educación primaria a que participasen este curso no club. Léronlle un libro titulado "Cando leo" de Eva Mejuto para que os nenos e as nenas de 5º de primaria descubrisen o que pasa cando len.

Estas alumnas foron: Carmen e Sabela Budiño de 6ºA; Mara, Alejandra e Cayetana de 6ºB e Ainara de 6ºC.

Moitas grazas por esta labor!

Aquí vos deixamos o primeiro programa de radio deste curso 23/24, un programa moi especial xa que anuncia que gañamos o 3º premio nacional polo club de lectura "Faragullas de papel"! Animádevos a participar nel seguindo as instrucións que vos dan a continuación algúns dos seus membros. 

Nesta última sesión do club de lectura recordamos os libros lidos, fixemos a actividade do Cabo Vilán e chaveiros de golfiños para os/as que non os fixeran. Tamén realizamos un álbum de fotos do primeiro club de lectura do cole! 

Aquí vos deixamos o vídeo coa canción de David Bowie "Starman" que inspirou o libro de Ziggy Stardust: convertímos nos nosos propios "alter ego" nos nosos lugares favoritos.

Nova sesión do club de lectura e novos libros.

"Marta e a Pintega" de Eli Ríos deunos un interesante faladoiro coas gorrobelliñas e gorrobelliños de Faragullas de Papel. Falamos de fantasía e realidade, de contos clásicos e personaxes mitolóxicos, de príncipes e princesas e como non, dos nosos enfados e desexos. Un desexo común podería ser continuar moitos anos con este club...

 "Volverás Golfiño" de Andrea Maceiras achegounos á xeografía galega da Costa da Morte, Cabo Vilán, Camelle ou o Cemiterio dos Ingleses. Tamén falamos de barcos, de viaxes, da morte e da vida, dos cambios e mudanzas e ata do Prestige. Despois estivemos buscando as localizacións do libro no mapa... E se puideramos ir? 

Un dos seguintes libros que imos ler foi escollido polas nenas e nenos participantes no club de lectura. Ofrecéronselle resumos de 5 libros e eles decidiron. 

E o escollido foi... VOLVERÁS, GOLFIÑO, da escritora Andrea Maceiras.

Desta volta intercambiamos as actividades de animación á lectura, os de Garrincha fixeron a ximcana e os de Ziggy crearon o seu alter ego. Velaquí unhas imaxes!

Nestas semanas as nenas e nenos de Faragullas de Papel cambiamos os libros. Os que leran Ziggy Stardust (Iria Misa)  leron agora O álbum de Garrincha (Beatriz Maceda) e viceversa.
Nestas sesións analizamos diferentes cuestións: as personaxes, a súa evolución na historia, posibles finais alternativos, que situacións vivimos ou coñecemos que se asemellan as historias que nos contan estes libros...

Ademais disto xurdiron interesantes debates. No caso de Ziggy Stardust falamos sobre identidade sexual, igualdade, ser un mesmo, achegámonos un pouco máis á transgresora figura e personalidade de David Bowie...

No caso do álbum de Garrincha falamos da situación das persoas que veñen doutro país, de cómo se sinte unha persoa cando chega nova a un sitio, da figura de Garrincha e o seu éxito a pesar da adversidade...

Observamos como partindo das mesmas lecturas, con outros grupos de nenas e nenos, xurdiron cuestións diferentes das que apareceran nas reunións previas sobre os mesmos textos. Está a ser, sen dúbida,  unha experiencia moi enriquecedora.

Nesta 6ª reunión do club de lectura desfrutamos de dúas actividades de animación lectora relacionadas cos libros escolllidos: Mamá, quero ser Ziggy Stardust e O álbum de Garrincha. Metímonos na pel das personaxes creando os nosos "alter ego" e divirtíndonos nunha xincana con pistas tal como facían Thomas e Joao respectivamente. 

Os nosos lectores tiveron esta semana unha nova reunión. Dividíronse en dous grupos os que leron Ziggy e os que leron Garrincha. 

Os de Ziggy falaron de como remata a historia, de posibles finais alternativos, das súas personaxes favoritas e de como lles tería gustado que non desaparece Thomas. Reflexionaron de como Aine, ao igual de David Bowie, abriu a mente das persoas do seu arredor e de como empregaba a roupa como unha forma de expresar a súa arte e personalidade. Dito esto, puxéronse mans á obra e deseñaron outros posibles vestiarios do artista. Todo isto en inglés, claro!

O grupo de Garrincha estivo falando do esforzo, da amizade, dos sentimentos e de como empeza e remata a historia,  de como Joao se sinte feliz e integrado ao final.