CEIP Plurilingüe Sobreira-Valadares

 Participando no proxecto “Con Vigo na maleta” aprendimos moitas cousas sobre a cidade de Nova York .

    Tamén descubrimos que houbo un barrio de emigrantes españois en Nova York chamado Little Spain. Con todo isto fixemos a maleta de Xan e a maqueta de Central Park.

    Gústanos Nova York!

Estivemos “cociñando con ciencia” con Pepe Solla.

Chegou o Nadal e con el a nosa actuación dos trasnos do Nadal, as cartas aos Reis … Foi  moi bonita a convivencia entre as dúas clases.

Onde está Wally? En Londres? En París? En Nova York? …. Wally está na Sobreira! Canta ilusión nos fixo!

Os nenos de 1º e 2º aprendimos moito das nosas avoas, que nos contaron a súa experiencia na emigración.

Fomos á biblioteca do Centro Cultural de Valadares. Alí  recordamos  como funciona unha biblioteca escoitamos contos e participamos nun obradoiro.

No día do medio ambiente escribimos desexos para que as nosas árbores sobreiras novas poidan crecer co noso cariño e respecto. Puxémoslles nomes: "Sobre" e "Irita"!

Divertímonos moito na romaría nas Letras Galegas!

Saímos de excursión polo barrio de Bouzas para coñecer o casco histórico e os muráis rueiros da cidade de Vigo.

    Despois visitamos o museo do mar onde aprendimos moitas cousas sobre o tiburón Jason.

Que ben o pasamos na festa da escuma!!

E para rematar o curso…Todos á Praia!! Pasámolo xenial na Praia da Xunqueira en Moaña.

E para rematar o curso…. Fixemos un espectáculo de maxia para os nenos e nenas de 2º con carteis e moitos trucos…!

Celebramos os nosos cumples…

Grazas a todas as familias por colaborar tanto!!

Neste obradoiro melloramos as nosas técnicas de debuxo aprendendo a facer personaxes a partir de figuras xeométricas!!.   

Temos un niño no patio central.

Son 6 pequerrechos!!

Esperamos que todos saian adiante nestes días de tanta calor.

Con Vigo na maleta

un quiosco montamos

e a moitos nenos axudamos!!!

A asistenta social do CVC de Valadares recolleu os alimentos que mercamos.

O alumnado de 1º e 2º tiveron unha saída para ver os Graffitis en Bouzas e visitar o Museo do Mar.

 Neste obradoiro producimos sons electrónicos con materiais de refugallo.

Practicando con recursos artísticos e científicos experimentamos coa frecuencia, vibración, ritmos...

Ata compoñer as nosas creacións musicais!!

(escoitade no video)

Luns 12 para os compañeiros e o mércores 14 para as familias!

O alcalde, Abel Caballero, visitou a nosa "semana cultural"

Neste curso 16/17 o tema común do cole foi

“Con Vigo na Maleta” para investigar sobre a emigración.

Así foi que investigamos sobre persoeiros relevantes da nosa cidade e a súa pegada ao retornar con proxectos para toda a comunidade.

Toda esta información transformámola en traballos de distintos formatos que están expostos no cole.

 Acampada o venres 9 de Xuño

a partir das 18:00h 

  Tarde de xogos e Acampada de Convivencia proxectada para o Venres 9 de Xuño no recinto escolar!!!.

Son os últimos días de xogar no patio de educación infantil.

Esta xeración xa chega á súa graduación!!

Hoxe conmemoramos esta data "Día Mundial do Medio Ambiente" plantando dúas sobreiras (alcornoque).

Estas árbores ficarán no cole para encher o sitio da árbore que perdimos na última tormenta. 

Quen sabe que bonitos debuxos e traballos colgarán algún día en taboleiros feitos coa súa cortiza!!!

Visitamos a villa romana de Toralla e estivemos moi atentos ás explicacións dos arqueólogos. Quedamos fascinados coa nosa Historia!!!

Despois, no museo do mar, fixemos unha preciosa "inmersión" na nosa Ría.

O vindeiro Venres 2 de xuño a partir das 17 h. convidámosvos a todos a vir o colexio para aFesta das Actividades extraescolares, onde  veremos as exhibicións de Taekwondo, Baile Moderno, Patinaxe, Intelixencia emocional e Ximnasia Acrobática.

 Ademáis durante toda a tarde os pais dos nenos da excursión de 5º e 6º, montarán un bar para recadar diñeiro para a viaxe. Animádevos a colaborar con eles.

Tamén recordarvos que o último día de actividades extraescolares é o mércores 31 de maio, excepto piscina que é o luns 12 de xuño.

Esta mañá tivemos un profe moi especial!! Achegouse á Sobreira un bombeiro para explicarnos o seu traballo e amosarnos todas as ferramentas que teñen de axuda na súa labor.

Compartimos un tempo coa escritora Fina Casalderrey!!.

Este curso 2016/17 todo o alumnado de Educación Primaria e de 6º de Educación Infantil estivo a ler libros dela nas sesións de lectura de cada mañá.

E ti que farías por min?	O meu avó é unha gata	Quen me quere adoptar?	Chamizo	Dúas bágoas por máquina	A lagoa das nenas mudas
5 anos	1º	2º	3º	4º	5º e 6º