SEMANA SANTA

A próxima semana celebramos a Semana Santa. Polo que estaremos de “vacacións” ata o día 13.

Para esta semana deixámosvos varias propostas:

  • Facemos o noso Coello de Pascua
  • Coñecemos ó Easter Bunny
  • Ímonos de vacacións
  • Búsqueda do tesouro

A continuación explicamos cada unha delas. Esperamos que vos gusten!

 

COELLIÑO DE PASCUA


Neste vídeo que nos fixo a profe Conchi, aprendemos cómo facer o noso propio Coelliño de Pascua (https://youtu.be/HfiVQ2NIxZI).

Outra forma de facer o noso coelliño pode ser coas orellas móbiles (https://youtu.be/u0K9YW_MDYc). E para os máis atrevidos incluso podemos facelo coa súa propia cesta! (https://youtu.be/sQhz3QwCiS4). 

E ti, como queres facer o teu coelliño?

 

EASTER BUNNY

Unha vez feito o noso coelliño, podemos cantar con él as súas cancións… practicando o noso inglés!

 

A teacher María recoméndanos o conto “Inside An Easter Egg: A Kids' Easter Story”, que podedes atopar aquí: https://youtu.be/P09FiCLhd1Q 

 

Pero recordade que no apartado de Plurilingüismo tendes moitas propostas das nosas profes de inglés!



ÍMONOS DE VACACIÓNS

Xa que este ano non podemos sair da casa a visitar lugares que nos apetecían, podemos traer eses lugares ata a nosa casa. Como? Pois indo paso por paso:

  1. Eliximos o lugar ou cidade que nos gustaría visitar pensando no clima, que actividades gustaríanos facer, tipo de comida, se falan a nosa lingua…
  2. Unha vez temos decido o lugar, buscaremos información: imaxes, costumes, sitios emblemáticos… E se falan outra lingua, incluso podemos aprender algunhas palabras!
  3. Cando xa aprendimos moitas cousas dese lugar, escollemos o recanto da nosa casa que se vai a converter nese lugar de vacacións. Alí, iremos poñendo: debuxos dos sitios que nos gustaron, o decoraremos con obxetos típicos dese lugar que faremos, prepararemos algún plato e bebida típica do lugar, buscar se temos algunha planta parecida ás que teñen…

Ademáis poderemos buscar os animais típicos que hai no lugar e, dunha forma moi sinxela o poderemos velos en realidade aumentada, dentro das nosas casas!:

  1. Abre Google no móbil.
  2. Escribe no buscador o nome dun animal.
  3. Baixa un pouco os resultados da búsqueda ata encontrar un panel co animal en movemento cun botón que pon “Ver en 3D”.
  4. Pulsa sobre o botón e apunta o teléfono a un espacio concreto.
  5. Move un pouco o móbil para situar o animal elexido.

 

Polo momento so poderemos ver: águia, cabra, cabalo, caimán, can, león, leopardo, lobo, gato, guacamayo, oso panda, oso pardo, ourizo, pato, pingüino , polvo, pony, rape, rottweiler, serpe, tiburón, tigre e tartaruga.



BÚSQUEDA DO TESOURO

E xa que estamos na casa, podemos preparar unha búsqueda do tesouro! Para iso necesitamos pensar en lugares onde agochar as pistas, e facer as pistas en función dos nosos nenos e nenas.

O primeiro a ter en conta é que, canto máis pequenos deixaremos as pistas máis visibles, ademáis de preparar un recorrido máis curto. E elexiremos o tema en función dos gustos dos vosos fillos e fillas: temática de animais, dunha película, dalgún xogo, dun sitio que lles guste, etc.


Pistas sinxelas: podemos poñer una foto ou un debuxo da parte da casa ou do obxeto no que atoparán a seguinte pista. Por exemplo: unha foto con algún boneco, debuxo dunha cama, do sofá, da tele… 

 

Pistas con maior dificultade: para os que xa poden ler algo escribiremos a palabra onde atoparán a seguinte pista: CAMA, SOFÁ, CONTO DE FROZEN… 

 

Tipos de probas para a búsqueda do tesouro

Podemos empregar as mesmas pistas como probas para conseguir a seguinte, ou podemos facer unha proba antes de que consigan a pista. Algún exemplo de proba podería ser:

  • probas de equilibrio: intentar aguantar a pata coxa durante uns segundos.
  • probas de búsqueda: buscar un número determinado de tapóns, pelotitas, cartas...
  • probas de creación: crear con plastilina a forma que lles digamos.
  • probas de parellas: colocar un globo entre dous nenos, entre o neno e un familiar… (poden aguantalo coas barrigas, cabezas...). Terán que correr unha distancia sen que explote ou caia. Tamén poden comer unha mazá que esté colgada por un hilo...
  • probas de música: poñeremos o principio dunha canción para que continúen cantándola.
  • probas de lóxica-matemática: facer unha suma, resolver un laberinto, facer un puzzle pequenos, descifrar unha mensaxe a partir dun código empregando un símbolo para cada letra…

E unha vez cheguen ó final terán nun cofre / caixa / baúl (o que teñades por casa) o tesouro!! Que pode un conto novo, unhas chuches, unha actividade que tivese moitas ganas de facer con vós… 

 

Desexámosvos unha boa Semana Santa!

 

Moito ánimo familias!