Hoxe realizamos o simulacro de evacuación do Centro.
En 2 minutos 9 segundos alumnado e todo o personal abandonamos as instalacións co apoio loxístico e a rápida intervención do Grupo Operativo de Apoio (GOA) da policía Local de Vigo.
Unha vez finalizado o simulacro o alumnado de E. Infantil e Primaria tivo a oportunidade de ver o parque móvil e falar directamente con eles sobre a importancia do seu traballo.

“ CAMIÑA CON NÓS POLA IGUALDADE” é un proxecto que se enmarca no Plan Integral de Igualdade de Oportunidades entre mulleres e homes do Concello de Vigo. Dirixido ao alumnado de 6º de Educación Infantil e 2º,4º e 6º de Primaria.

A finalidade do programa é fomentar a educación na cultura de igualdade de oportunidades entre nenas e nenos desde a comunidade educativa para promover a coeducación e previr a violencia de xénero.

O alumnado de 4º e 5º de Primaria conmemoramos esta data tan especial cunha interesantísima clase maxistral de Susana.

Moitas grazas pola túa colaboración achegándote ao noso Laboratorio para compartir a túa tese.

 Prezadas familias, queremos lembrarvos que este venres 6 de xuño a partir das  17h celebraremos a Festa de Actividades Extraescolares, a que estades todos convidados.

Haberá actuacións de Taekwondo, Baile Moderno e Ximnasia Acrobática, e ao finalizar uns pinchos para todos. Durante toda a xornada teremos un posto de venda de bebidas, a prezos populares.

Xoves, 18 de xuño  12,15h a 14,00h

Salón de Usos Múltiples

CEIP Plurilingüe Sobreira - Valadares