EP

O último día antes das vacacións celebramos o Nadal de forma especial. Dende Asturies veu visitarnos L'Anguleru, personaxe do Nadal asturiano, que tivemos que adiviñar con pistas que fomos recibindo ás aulas durante a semana. Encantounos a súa visita, e aínda máis as lambetadas que repartiu a todos os nen@s!

Ese día tamén fixemos o intercambio de postais do "amigo invisible" e traballamos un montón, coa colaboración dalgunhas mamás e papás, nos obradoiros de Nadal.

Para rematar o día, os rapaces e rapazas de sexto traballaron arreo preparándonos e servíndonos unha merecidísima chocolatada cunha rosca!!!! Bo proveito!!!!

Entre as actividades de Nadal comezamos cunha entrevista en "Radio Xeve" na que os alumnos/as de 4º e 6º de EP fixeron preguntas "insólitas" sobre Papá Noel e o Nadal aos nenos/as de Educación Infantil. Tanto entrevistadores como entrevistados desfrutaron moito e responderon con moito inxenio ás preguntas. 

Os pequenos e os non tan pequenos agardan con moita ilusión a chegada das Súas Maxestades, por iso antes de que veñan acoden coas súas cartas e peticións ao buzón máxico.

O día 19 de decembro, o alumnado de 5º e 6º de Educación Primaria asistiu a unha charla informativa incluida dentro da acción Navega con Rumbo.

O Plan Navega con Rumbo polo Ciberespazo é unha iniciativa encamiñada a que os escolares naveguen con tino pola Rede, é dicir, con seguridade, evitando o ciberacoso e outros riscos de Internet. A súa intención é mentalizar ao alumnado da necesidade de facer un uso responsable das novas tecnoloxías para poder espremerlles toda a substancia posible e adquirir boas experiencias e novos coñecementos.

Os nenos/as de educación primaria ó longo do primeiro trimestre, tras investigar sobre o squah, practicaron este deporte no centro. Mirade que bos deportistas temos en Xeve!