Posto que tanto actividade presencial como trámites administrativos están suspendidos mentres dure esta situación, a comunicación co centro será a seguinte:

• Co profesorado: Mediante AbalarMóbil, Espazo Abalar, EVA. Ou calquer outro medio que o profesorado indicara.

• Con Dirección: Mediante o correo do centro, ceip.santarita@edu.xunta.es, ou de 10:00 a 13:00 nos teléfonos: 982870939, 618585049.

Queridas familias,

Entendemos que sodes coñecedoras das medidas provisionais e, que en términos xeráis, se están a tomar con respecto do ámbito educativo. Igualmente e querendo completar a información que podades ter e, de paso, resolver posibles dúbidas, aquí vos deixamos información máis concreta:

• Período de suspensión de actividade lectiva no centro:

         -O Centro suspende a actividade lectiva e presencial con alumnado mentres non teña unha instrución que o indique, dende o luns 16. 

• Material de traballo para o alumnado: 

          -Infantil e Primaria (agás 5º e 6º):

          A partir do luns 16 de marzo, cada titor ou titora se poñerá en contacto con vós, se non o fixo xa, principalmente por medio do AbalarMóbil e o Espazo Abalar, para indicarvos aquel material e actividades axeitadas para este período de tempo en que o alumnado non asiste ao centro. Asimesmo, o resto do profesorado tamén incluirá o seu material do mesmo xeito.

          -Primaria 5º e 6º:

         A partir do luns  16 de marzo, todo o persoal que imparte clase nos grupos de 5º e 6º xestionará as actividades e material a través da Plataforma EVA, xa coñecida polo alumnado destes niveis.

• Contacto co centro:

           Posto que se suspenden todas actividades e plazos a nivel administrativo mentres se manteña esta situación, a comunicación das familias coas titoras e titores, así como co resto do profesorado, será polos medios que estes xa indicaran (mensaxería do AbalarMóbil, Espazo Abalar) e co Equipo Directivo do centro será a través da dirección de email: ceip.santarita@edu.xunta.es, ou nos teléfonos: 982870939 ou o 618585049

NORMATIVA DE APLICACIÓN

• DECRETO 254/2012,  do 13 de decembro,  polo que se regula a admisión de alumnado en centros docentes  sostidos  con fondos  públicos  que  imparten  as  ensinanzas  de  segundo  ciclo  de  educación  infantil,  de  educación  primaria, de  educación  secundaria  obrigatoria  e  de  bacharelato  reguladas  na  Lei orgánica 2/2006, do 3 de maio, de educación.
• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

POSTOS ESCOLARES: Recóllense na táboa de vacantes recollida da proposta incluída na aplicación informántica:admisiónalumnado.

SERVIZOS COMPLEMENTARIOS: 4 rutas de Transporte Escolar e Comedor Escolar (regulado polo decreto 132/2013, do 1 de agosto de 2013, da Consellería de Cultura, Educación e O.U.)

PRAZOS:

• Presentación de solicitudes de admisión: do 1 ao 20 de marzo de 2020.
• Presentación de documentación acreditativa dos criterios a baremar: do 23 de marzo ao 3 de abril do 2020.
• Publicación de listaxes provisionais de admitidos/as: até o 25 de abril do 2020.Poderase presentar reclamación perante o Consello Escolar nos 5 días hábiles posteriores á publicación da listaxe provisional de admitidos/as
• Publicación da listaxe definitiva de admitidos/as: antes do 15 de maio do 2020. Contra esta listaxe poderase presentar recurso de alzada perante o/a titular da xefatura territorial no prazo dun mes a partir do día seguinte ao da súa publicación.
• Formalización de matrícula: do 20 ao 30 de xuño do 2020.

FORMULARIO PARA DESCARGA: ANEXO II (formulario ED550B)

NOTA INFORMATIVA IMPORTANTE:

1.- Que (conforme ás instruccións da Consellería de Cultura, Educación e O.U.), a solicitude axustada ao modelo oficial Anexo II será a única  e presentarase no centro que se solicite en primeiro lugar. O feito de presentar máis dunha solicitude conlevará a perda dos dereitos de prioridade que poidan corresponderlle.

2.-Que o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3.-Que o alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

 "Enténdense como servizos de comedor os de xantar e os de atención aos usuariosnos períodos de tempo libre anterior e posterior da comida do mediodía, nos cales se fomentarán programas de promoción da saúde, hábitos alimentarios e habilidades persoais". Así reza o 2º punto do "Artigo 1. Obxecto e ámbito de aplicación" do DECRETO 132/2013, do 1 de agosto, polo que se regulan os comedores escolares dos centros docentes públicos non universitarios dependentes da Consellería con competencias en materia de educación.

O servizo de comedor escolar, que empezou sendo unha oferta dos centros escolares con carácter compensatorio, é hoxe en día unha colaboración máis dos centros que facilita a conciliación familiar, pero que ademais supón parte da aprendizaxe e crecemento persoal do alumnado, de aí a súa gran importancia en todos os sentidos.

Este e outros motivos igual de importantes leváronnos neste curso a considerar, dentro das melloras plantexadas no centro, a unha revisión dos menús que se ofertaron nos últimos cursos. A variación realmente non é moi significativa posto que se manteñen moitos dos platos que figuraban anteriormente ata o punto de ter unha coincidencia de máis dun 85 por cento; o que en realidade se fixo foi reorganizar eses platos, engadir algúns novos e sobre todo, deseñar uns menús compensados e equilibrados como precisan e merecen os nosos pequenos e pequenas. Entendemos tamén que non podemos obviar a calidade na elaboración dos mesmos, polo que apostamos por productos frescos e variados.

Enlaces de interese de Comedores Escolares da Xunta de Galicia:

-"A Xunta de Galicia favorece os hábitos saudables nos menús dos escolares galegos"

-"Menús saudables no comedor escolar" Elaborado co departamento de pediatría da USC

Deixámosvos aquí a normativa vixente sobre Comedores Escolares:

-ORDE do 21 de febreiro de 2007

-DECRETO 132/2013, do 1 de agosto.