Os nenos e nenas do colexio celebraron o Día da Paz recordando a historia da nena xaponesa Sadako Sasaki, morta polos efectos da bomba nuclear sobre Hiroshima.
Os mestres quixeron transmitirlle ao alumnado o valoroso espíritu co que esta nena afrontou a súa enfermidade.
Entre todos elaboraron mil grúas de papel, como manda a lenda, que agora permanecen penduradas nos corredores do colexio e que serán enviadas a Hiroshima para que sexan colocadas no Parque da Paz o 6 de agosto, data na que nesa cidade se conmemora o día da Paz.
Este día xuntámonos todos na biblioteca e tres mestres de Infantil leron algúns capítulos do conto "Sadako e as mil grúas de papel". Posteriormente dúas alumnas de 6º leron dous poemas e finalmente cantamos " Chiquitita" e " Los niños queremos la paz". (Fotos na Galería)
SADAKO SASAKI (por Sara, Ana, Andrea e Domingo)
Cando Sadako dous anos tivera,
unha bomba en Hiroshima caería.
Cando unha bomba en Hiroshima caera,
a nena leucemia collería.
Cando a nena collese leucemia,
nunha carreira caería.
Cando nunha carreira caese,
no hospital despertaría.
Cando no hospital despertase,
unha amiga contándole unha lenda a animaría.
Cando unha lenda a animase,
unha grúa lle regalaría.
Cando unha grúa lle regalase,
ela logo máis faría.
Cando máis fixera,
ás 644 morrería.
E cando morrese,
As mil grúas completarían.
SADAKO E AS MIL GRÚAS DE PAPEL (por Valeria, Abel, Denís, Vera e Ricardo)
Cando Sadako teña dous anos
unha bomba en Hiroshima caerá.
Cando caia a bomba,
moita xente enfermará e morrerá.
Cando morra e enferme a xente
Sadako leucemia terá.
Cando Sadako leucemia teña,
nunha carreira se desmaiará.
Cando nunha carreira se desmaie
a un hospital a levarán.
Cando a un hospital a leven,
unha visita dunha amiga a soprenderá.
Cando unha visita dunha amiga a sorprenda
esta cunha historia de grúas a apoairá.
Cando a apoie cunha historia,
a primeira grúa lle regalará.
Cando a primeira grúa lle regale
ela máis fará.
Cando ela máis faga
a 644 chegará.
Cando a 644 chegue
Sadako morrerá.
Cando Sadako morra
os seus compañeiros se conmoverán.
CAndo os seus compañeiros se conmovan
as mil grúas completarán.
Cando as mil grúas completen
unha estatua lle levantarán.
Cando unha estatua lle levanten,
cada ano mil grúas máis farán.
Cando cada ano mil grúas máis fagan
nun símbolo de paz se convertirá.