MAGOSTO
Enviado por Anónimo o Mér, 01/15/2014 - 20:22
O pasado 15 de novembro celebramos a tradicional festa do Magosto.
Os nenos asistiron a unha charla e demostración do asado das castañas. Previamente, eles elaboraran unha cestiña con elementos de reciclado para recollelas. Despois desfrutaron cos xogos típicos e tradicionais destas datas.
Se queres ver algunhas imaxes, preme aquí.
FUNGOS E COGOMELOS
Enviado por Anónimo o Lun, 11/04/2013 - 18:34
O día 1 de novembro celebrouse na nosa vila a XXIV edición da Feira de Fungos e Cogomelos.
Os alumnos de Santa María participamos cos nosos traballos, resultando premiados en todos os cursos e, por esa razón, estamos moi contentos.
Aquí podedes ver algúns dos traballos que presentamos ao concurso.
VIAXE A LUGO DO 3º CICLO
Enviado por Anónimo o Lun, 11/04/2013 - 17:56
No mes de outubro os alumnos do 3º ciclo adentrámonos na historia visitando a cidade de Lucus Augusti.
Comezamos documentándonos no Centro de Interpretación da Muralla, seguindo cunha visita didáctica á Casa dos Mosaicos e un percorrido pola muralla romana que circunda a cidade.
Despois dunha breve visita á catedral, onde observamos os seus diferentes estilos arquitectónicos, dirixímonos ao castro de Viladonga e ao seu Centro de Conservación e Restauración, onde recibimos unha información moi completa e motivadora.
Se queredes compartir algúns deses momentos con nós, premede aquí.
VIAXE Á CORUÑA
Enviado por Anónimo o Xov, 06/27/2013 - 11:23A viaxe fin de curso levounos este ano ata a cidade da Coruña onde realizamos tres interesantes visitas.
Primeiro tivemos a oportunidade de visitar as instalacións do xornal La Voz de Galicia e parte das de V Televisión. Entendemos algo máis sobre o funcionamento dunha rotativa e sentímonos presentadores e técnicos de televisión por un día.
Despois achegámonos ata o MUNCYT, onde todo nos pareceu fascinante porque coñecemos diferentes descubrimentos científicos e tecnolóxicos producidos ao longo da historia. Divertímonos moito como pasaxeiros na cabina dun avión e coa charla animada que mantiñan dous simpáticos robots.
Finalmente, subimos ao parque de San Pedro onde pasamos un rato moi agradable.
Para ver algunhas instantáneas destes días, pulsa aquí.
LETRAS GALEGAS 2013
Enviado por Anónimo o Mar, 06/11/2013 - 07:46Estudouse a vida e obra de Roberto Vidal Bolaño, autor homenaxeado este ano, dun xeito globalizado e multidisciplinar.
Traballouse unha unidade didáctica sobre o autor, ambientouse o colexio ás entradas e saídas con música popular galega, fixéronse actividades interactivas nas clases de informática, houbo unha animación á lectura sobre unha obra de teatro do autor, lecturas dramatizadas..., culminando todo isto coa realización dun festival no cine Alovi.
A festa das nosas letras tivo cantigas, contos, teatro, poesía, música e baile, reservando tamén un espazo para recordar a figura de Rosalía de Castro e do seu libro Cantares Gallegos, por cumprirse 150 anos da súa publicación.
Aquí tedes algunhas fotos por se queredes botarlles unha ollada a diversos momentos do festival.
DÍA DO LIBRO
Enviado por Anónimo o Mar, 04/30/2013 - 14:09
O Día Internacional do Libro foi este ano un pouco especial porque tivo lugar a inauguración da nosa biblioteca, que foi totalmente reacondicionada. Tampouco esquecemos levar a cabo actividades variadas que realizamos con ilusión.
Preme aquí para ver máis imaxes deste día.
VIAXE A MANZANEDA
Enviado por Anónimo o Mar, 04/16/2013 - 15:03
De novo voltamos a Cabeza de Manzaneda. Aínda que este ano non nos acompañou o tempo, si que desfrutamos da natureza.
Fixemos actividades moi variadas: béisbol, tiro con arco, sendeirismo, xogos diversos e, o máis divertido, tivemos o pracer de gozar coa neve e mesmo bailamos na discoteca.
Se queres ver algunha imaxe do ben que o pasamos, preme aquí.
UNHA VIAXE AO PASADO: O CULTIVO DO LIÑO
Enviado por Anónimo o Ven, 03/01/2013 - 10:13
Os alumnos do último ciclo asistimos o pasado venres a unha interesante viaxe a través do tempo para coñecer a importancia que tivo no noso país o cultivo do liño. Tamén nos foi explicado todo o proceso de tratamento posterior ata chegar á confección dunha peza de roupa.
Os útiles empregados chamáronnos moito a atención e mesmo recoñecimos algúns deles por telos visto nas casas dos nosos avós.
Para recordar este día, temos unhas imaxes que podedes ver aquí.
ENTROIDO NO COLEXIO
Enviado por Anónimo o Lun, 02/18/2013 - 12:52
O pasado venres 8 de febreiro celebramos a festa do Entroido.
Este ano, seguindo coa nosa tradición de disfrazarnos todos do mesmo xeito, decidimos que o noso disfrace fose de pintores.
Se queres vernos, preme aquí.
RECICLAR É LABOR DE TODOS
Enviado por Anónimo o Mar, 02/05/2013 - 16:17O día 4 de febreiro tivo lugar no noso centro unha charla co obxectivo de explicar de forma sinxela como se debe facer a separación dos residuos domésticos, utilizando os colectores axeitados en cada caso.
Fíxose especial fincapé na alta proporción de impropios e nas dificultades que se xeran na reciclaxe cando a selección do lixo non é a correcta.
Podes recordar este día vendo outras imaxes.
- « primeira
- ‹ anterior
- …
- 21
- 22
- 23
- 24
- 25
- 26
- 27
- 28
- 29
- seguinte ›
- última »