Xa chegou o día. O sorteo da tableta farase o 15 de xuño coincidindo co primeiro sorteo da ONCE.

MOITA SORTE A TODOS!!!

O ioga encántanos no noso cole, sobre todo aos peques. Ao rematar as nosas clases de Educación Física ou Psicomotricidade,  moitísimas veces faciamos algunha postura.

Unha das iniciativas que levariamos a cabo no noso centro, dende o grupo de traballo Santa María Saudable, era celebrar unha xornada de Ioga para tod@s. Como non puido ser así pola situación que estamos a vivir, a COVID-19, a monitora de ioga das Pontes, Lidia Vilaboy, preparou para nós esta clase. Preme na imaxe para poder vela.

Durante a corentena foi moi importante facer exercicio físico e unhas rutinas saudables para ter o noso corpo e a nosa mente sans.

Os peques de Educación Infantil do noso centro compartiron con nós as súas rutinas.

Graciñas, peques!!

Estimadas familias, xa podemos confirmar que non haberá regreso ás aulas do alumnado de Infantil e Primaria neste curso.

ENTREGA DE MATERIAL ESCOLAR E LIBROS DE TEXTO

Algunhas familias solicitastes ir recoller libros e material ás aulas neste período longo de alerta sanitaria. Agora, coa entrada de Galicia na fase 2 de desescalada, xa estará permitido que o profesorado acuda ao colexio a realizar algunhas tarefas como a entrega de materiais.

Os mestres e mestras poñeranse en contacto coas familias para a entrega.

Os libros de 1.º e 2.º de Primaria xa están repartidos por tratarse de libros nos que poden escribir os alumnos e alumnas.

Os demais iranse entregando respectando o día asignado na seguinte táboa.

O alumnado de 3.º a 6.º recollerán o material na penúltima semana de curso, desta forma xa poderán devolver os libros de préstamo sen ter que vir dúas veces. Todo o alumnado pode traballar co libro dixital, pero se hai algún neno/a que necesite algún libro, poderá chamar ao centro e poñerémoslle día para vir buscalo.

No DOG do día 19 de maio de 2020 publícase a Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21.

BENEFICIARIOS

Familias con alumnado matriculado en centros docentes da Comunidade Autónoma de Galicia sostidos con fondos públicos nas seguintes modalidades:

a) Axudas para adquirir libros de texto destinadas ao alumnado matriculado en 1º e 2º de educación primaria e en educación especial, así como as axudas que pode recibir o alumnado incluído na disposición adicional primeira da orde.

b) Axudas para material escolar destinadas ao alumnado matriculado en educación primaria, ESO e EE.

c) Fondo solidario de libros de texto do alumnado matriculado en 3º, 4º, 5º e 6º de educación primaria e en 1º, 2º, 3º e 4º de ensinanza secundaria obrigatoria.

PRAZO DE SOLICITUDE

Comeza o 20 de maio e remata o 19 de xuño.

PRESENTACIÓN DAS SOLICITUDES

Preferentemente farase por vía telemática. Enlace á aplicación Fondolibros.

De xeito presencial na Secretaría do centro en horario de 10:00 a 13:00.

SOLICITUDE PARA DESCARGAR

Dende o CEIP Plurilingüe Santa María queremos agradecer á comunidade educativa as súas achegas para poder elaborar este vídeo dedicado a Ricardo Carvalho Calero, autor homenaxeado nas Letras Galegas.

O día 18 de maio foi elixido no seu momento como non lectivo. Por este motivo, o prazo presencial de solicitude de admisión será ata o venres 15 do presente mes, podendo presentar a solicitude telemática ata o luns 18.

No DOG do 6 de maio, publícase o Acordo sobre o restablecemento do PROCESO DE ADMISIÓN DE ALUMNADO.

• O novo prazo de entrega de solicitudes será do 11 ao 18 de maio ambos inclusive, en horario de 10 a 13 h. na secretaría do colexio.
• Publicación de listaxes provisionais de alumnado admitido e non admitido  o 8 de xuño.
• Reclamacións do 9 ao 11 de xuño en horario de 10 a 13h na secretaría do colexio.
• Publicación das listaxes definitivas antes do 26 de xuño.
• Formalización da matrícula en secretaría: do 1 ao 10 de xullo. 

NORMAS BÁSICAS DE ACCESO AO COLEXIO

1. Na medida do posible, unha única persoa para realizar a xestión en secretaría.
2. Manter distancia de seguridade con outras persoas que se atopen no recinto.

NOTA IMPORTANTE: O colexio abre o luns 11, exclusivamente e co persoal imprescindible para atender este proceso de admisión de alumnado. Para o resto de consultas ou trámites, por favor, utilizar o teléfono 881930071 ou o correo electrónico: ceip.santamaria.aspontes@edu.xunta.gal

Pouco a pouco vai pasando a corentena. Xa queda menos!