Comunicamos que todo o alumnado de 6º de E.P. que solicitou praza para 1º da ESO no IES URBANO LUGRÍS obtivo praza no mesmo.

No mes de xuño deberán formalizar a matrícula no IES. Avisarémolo dende o colexio.

COMEZA O ENTROIDO!

O meco manda, o meco ordena e se non o cumpres pagarás condena. Se ao meco non queres angustiar, o luns algo na cabeza tes que levar.  O martes traerás no pescozo algo quente. O mércores todos temos que vir cos pés quentiños e con cadanseu calcetín, pero por riba do pantalón terán que vir. O xoves traerás todo xunto.   

O 30 de xaneiro, Dia escolar da paz e non violencia, todo o colexio disfrutamos da actuación "Canto contigo" de Paco Nogueiras no pavillón. Todos xuntos cantamos a canción "Apertas que voan".

Seguindo o establecido na ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación, comeza o prazo para a reserva de praza daquel alumnado de 6º de Educación Primaria que queira continuar os seus estudos da ESO no IES URBANO LUGRÍS ao que está adscrito o noso colexio.

O prazo para a presentación de solicitudes é do 15 de xaneiro ao 5 de febreiro ambos inclusive.

A solicitude pode cubrila dixitalmente na aplicación admisión alumnado e logo presentala asinada no centro ou en Sede electrónica. 

Se non desexa cubrir a solicitude dixitalmente pode facelo de xeito manual descargándoa no seguinte enlace, cubríndoa e presentándoa firmada na secretaría do noso colexio.

- IMPRESO ED550A.

* Esta solicitude tamén está a súa disposición na secretaría do cole e levarana o venres 12 de xaneiro as alumnas e alumnos de 6º.

Importante: A solicitude de reserva deberá estar asinada por calquera das persoas proxenitoras, titoras ou acolledoras da alumna/o. Deberá constar o consentimento expreso da outra persoa proxenitora, titora ou acolledora o anexo de comprobación de datos dos membros computables da unidade familiar e consentimento. 

A consulta das listaxes de alumnado admitido, que se publicarán o día 22 de febreiro, debe realizarse no centro no que está matriculado no presente curso ou na aplicación admisionalumnado.

Pode axudar este manual :

- MANUAL PARA FAMILIAS

O xoves 25 de xaneiro ás 19:00 horas, o IES URBANO LUGRIS invita ás nais e pais do alumnado de 6º a unha xornada de portas abertas onde poder visitar o centro e solventar dúbidas.

De non escoller o IES URBANO LUGRÍS, deberán presentar o IMPRESO ED550B no IES elexido entre o 1 e o 20 de marzo ambos incuídos, ou ben na Sede electrónica da Xunta ou na aplicación admisión de alumnos.