Inicio » Escolares, 1º Curso, 3º Curso, 6º Curso, Obradoiro das Letras, Medio Ambiente, Música, Ed. infantil, Inglés, Games, Good Job, Celebramos!, Recunchos, PALE, blog skills, Historias da nosa aula, O souto dos Laretas
Somos PLAN PROXECTA
Biblioteca escolar
Participamos
Escolares, 1º Curso, 3º Curso, 6º Curso, Obradoiro das Letras, Medio Ambiente, Música, Ed. infantil, Inglés, Games, Good Job, Celebramos!, Recunchos, PALE, blog skills, Historias da nosa aula, O souto dos Laretas
Publicamos COS PÉS NA TERRA, unha revista que recolle as actuacións medioambientais que levamos a cabo no colexo e que pretende animar a todos a pensar globalmente e actuar localmente.
Consta de 12 actuacións que alumnos/as, mestres e familias realizamos no noso día a día contribuíndo así, a frear o cambio climático.
O noso proxecto "Pensa globalmente e actúa localmente" foi elixido para participar no I CONGRESO DE EDUCACIÓN AMBIENTAL DOS CENTROS DE ENSINO DE OURENSE xunto con outros 9 colexios, mellor dito, institutos, da provincia. Nós eramos os participantes máis novos, os únicos alumnos/as de Primaria.
Espuxemos o noso traballo en prol do medio ambiente dando a coñecer os hábitos de comportamento medioambientais que adoptamos para que o noso concello, un anaquiño deste planeta, estivese un pouquiño menos contaminado.
Levamos a cabo diversas actuacións:
- Campañas de reciclaxe "DÁNDOLLE OUTRA OPORTUNIDADE"
- Localizamos, en diversas saídas á contorna, vertedoiros ilegais e comunicamos a situación dos mesmos ao concello. Tamén detectamos soterramentos dalgúns vertedoiros, impedindo que saia o monte autóctono.
- Participamos na repoboación do entorno próximo e do colexo.
- Facemos compost no colexio e coidamos o noso horto escolar.
- Aprendemos sobre as Enerxías renovables e non renovables, Os gases de efecto invernadoiro, O efecto invernadoiro.
- Construímos unha cociña solar e cociñamos tartas, galletas, unha infusión, comprobando que pode cociñar xa que alcanza os 70 º de temperatura. Tamén potabiliza auga.
- Editamos a revista COS PÉS NA TERRA
- Montamos diversos vídeos, este é o que escollemos para mostrar no congreso.
Neste planeta globalizado so poderemos convivir, ter futuro, se empregamos a chave da tolerancia, do encontro entre culturas, do respecto e a solidariedade.
É un traballo que nos corresponde a todos: ós pais e nais, á escola, os concellos, ós medios de comunicación ..., para continuar educando na tolerancia, na convivencia. Axudounos nesta labor un contacontos moi especial, unha especie de xacio, trasno, barqueiro do río Miño, de Chantada, que se chama Anxo Moure e que forma parte dun proxecto chamado Contos Solidarios da ONG Bicis Pola Paz.
A auga é vital para os seres humanos, para os animais e as plantas, por iso contribuíu á formación de pobos, vilas e cidades. O noso concello está atravesado polo río Miño que, desde antigo, ademais de ser unha importante vía de comunicación, pois a xente trasladábase en barca dun pobo a outro, foi tamén unha gran despensa... Memoria do Proxecto
Para o día da Paz, na clase de música, preparamos varias cancións: Rock sen guerra - é o noso himno, cada ano engadimoslle unha estrofa máis. Cando ti estes contento - cantamos e acompañamos con percusión corporal. O himno da alegría - tocámola coa frauta.
Aquarela, con esta canción de TOQUINHO, UN MUNDO DE CORES, IMOS CONSEGUIR. PINTADO A AQUARELA QUE NON SEXA GRIS. NO ARCO DA VELLA SÚBETE AMIGO, NON TE PARES A PAZ É O CAMIÑO. Letra: Alumnos/as Colexo Toén