No Equipo IgualaT aplicamos o aprendido na formación e creamos, en colaboración co Equipo de Biblioteca, este recuncho no que expoñemos estes contos.

Álbum: Curso 2023/2024 -> Iguala-T II

Seguimos a traballar cos Kit singulares enviados pola Xunta. Nesta ocasión, este material axúdanos a formar constelacións de estrelas.

Álbum: Curso 2023/2024 -> Polos Creativos III

Microproxecto "Ulla e Sar" levado a cabo polo alumnado de 1º de Educación Primaria para o desenvolvemento do Proxecto Ríos.

O alumnado de 4º de Educación Primaria, unha vez rematadas as unidades didácticas das dúas Ciencias relacionadas cos sectores económicos, economía circular, consumo, alimentos naturais e procesados,... e despois de plantar a horta ecolóxica con Mans Unidas, esta ONG tamén nos organizou un obradoiro no que coñecemos as sementes de moitos alimentos que consumimos e que viñan desde 15  a 8.000 km da nosa casa. Cos gastos e contaminación que ten o transporte. Algunhas foron: améndoas, café, cacao, millo ou xirasol.

Esta actividade está tamén relacionada co segundo obxectivo da Axenda 2030: Fame Cero.

Álbum: Curso 2023/2024 -> Voz Natura Marzo

Hoxe, 8 de marzo, con motivo da celebración do Día Internacional da Muller, a cativada do colexio tivo o privilexio de asistir a unha charla impartida pola karateka Ruth Lorenzo Couso, a cal resaltou a importancia da muller e os seus logros no ámbito deportivo.

Álbum: Curso 2023/2024 -> Visita Ruth Lorenzo Couso (8M)

Este xoves, 7 de marzo, as 16 mestres e mestras inscritas/os no Contrato Programa Iguala-T, recibiron a primeira sesión de formación sobre Diversidade afectivo-sexual e de xénero, da man de Marcos Barreira.

Álbum: Curso 2023/2024 -> Formación Iguala-T

No equipo de Polos Creativos, seguimos a traballar e comprobar diferentes formas xeométricas con outros materiais. Ben partindo de patróns ou creándoas libremente. Chegando a crear composicións con diferentes figuras.

Álbum: Curso 2023/2024 -> Polos Creativos II

En 3º de Educación Primaria traballamos o conto "Topito terremoto" para tratar de comprender que é o TDAH.

Álbum: Curso 2023/2024 -> Conto TDAH

Hoxe, con motivo da semana na que se celebra o 8M, as crianzas de Educación Primaria asistiron no colexio a un contacontos teatralizado sobre a figura de Rosalía de Castro. Dita representación foi levada a cabo polo CIM de Padrón.

Álbum: Curso 2023/2024 -> 8M - Día da Muller