Un ano máis todo o alumnado plantou na Horta ecolóxica e tamén podamos e abonamos as nosas froiteiras. Este curso cambiamos parte da zona de plantación co fin de que as toupas e caracois non estraguen os nosos cultivos. A enxeñeira agrónoma, Carme, tamén nos deu consellos e ideas para poder plantar nas nosas hortas.

Esta semana plantamos na horta leitugas, cebolas, chícharos, patacas, porros e amorodos. Tamén fixemos sementeiras de tomates cherry, albahaca, rúcula ou taguete, que é unha colorida planta que acuda a controlar plagas nos cultivos. Seguimos apostando pola sustentabilidade e consumo de produtos ecolóxicos de proximidade. Reducimos a nosa pegada de carbono mentres aprendemos e pasamos un bo rato na nosa horta. Xusto a tempo para que agora a chuvia regue todo.

Álbum: Curso 2023/2024 -> Plantación Horto Escolar

En colaboración co Instituto Nacional de Ciberseguridade de España (INCIBE) e para conmemorar o Día de Internet Segura 2024, que está programado para o próximo 6 de febreiro, subimos este material creado polo INCIBE baixo a iniciativa Internet Segura for Kids (IS4K) referente ao uso seguro e responsable de internet por parte dos menores.

Esta documentación conta tanto cunha guía de mediación parental coma con modelos de pactos familiares para o uso de diferentes dispositivos electrónicos.

A cativada do colexio celebrou este martes, 30 de xaneiro, o Día Internacional da Paz e a Non Violencia. Para iso, levaron a cabo a elaboración de distintos carteis con lemas e debuxos co fin de expoñelos na cristaleira do comedor escolar. Desde o CEIP Rosalía de Castro, mediante estas accións, pretendemos fomentar a tolerancia, o entendemento e o respecto mutuo entre persoas de distinta procedencia e modos de pensamento, acollendo as nosas diferenzas como base elemental do noso propio enriquecemento cultural.

Álbum: Curso 2023/2024 -> Día Internacional da Paz e a Non Violencia

A nosa compañeira e coordinadora de convivencia e benestar, Susana Castro, levou a cabo unhas interesantes charlas sobre habilidades sociais ao longo da semana pasada e elaborou unha presentación interactiva que achegamos na seguinte ligazón:

Infórmase da publicación da Orde de 4 de xaneiro de 2024, onde se regula o uso de teléfonos móbiles e outros dispositivos electrónicos nos centros educativos.

Nas NOF do noso centro queda contemplada a prohibición do emprego destes instrumentos.

Orde de 4 de xaneiro de 2024