Hoxe, 5 de xuño, a rapazada de infantil fixo a colleita das leitugas que plantou. Levaronas para o comedor e desfrutaron dunha rica e ecolóxica ensalada no seu menú.

Álbum: Curso 2023/2024 -> Voz Natura Xuño

Para celebrar o día do medio ambiente o alumnado de sexto de educación primaria fomos ao campo da Barca para facer unha analítica do Río Sar. A auga estaba algo turbia, pero logo vimos que non había macroinvertebrados das categorías máis sensibles á contaminación, como si tiñamos atopado o ano pasado no Río de Seira. O pH e nitratos están ben, pero o osíxeno da auga estaba baixo e a temperatura de 16ºC era algo elevada. Calculamos a velocidade das árbores de ribeira para manter as condicións do ecosistema fluvial e concienciarnos de que cada un de nós temos que  axudar a coidar o Medio Ambiente.

Álbum: Curso 2023/2024 -> Día do Medio Ambiente 2024

Na Sementeira apuntámonos ao Proxecto Ríos porque queremos crear conciencia medioambiental, valorando a importancia da preservación e conservación da natureza. Na aula de tres anos traballamos na elaboración dun caderno de campo no que recollemos mostras de dúas plantas que podemos atopar facilmente na beira do río cando imos de paseo: os fieitos e os estalotes. Coñecemos as plantas, compuxemos o seu nome con palabras móbiles e copiámolo de xeito autónomo, prensamos varios fieitos e estalotes para o noso caderno, e por último pintamos con pinceis para os dedos e bastoncillos.  Se visitades o noso blog  de aula poderedes ver unha secuencia de fotos que resumen a actividade levada a cabo.

Álbum: Curso 2023/2024 -> Proxecto Ríos A Sementeira

Recollemos os chícharos que temos plantados debaixo de cada froiteira e debullámolos para comelos no comedor. As vainas acabaron no composteiro para que a nosa horta sexa circular.

Álbum: Curso 2023/2024 -> Voz Natura Maio (II)

A cativada de 5º de Educación Primaria levou a cabo un traballo colaborativo de investigación sobre os peixes dos ríos galegos, o cal atópase enmarcado dentro do Proxecto Ríos.

Álbum: Curso 2023/2024 -> Proxecto Ríos 5ºEP

O alumnado de 3º e 4º de Educación Primaria, aproveitando que queda pouco para celebrar o día do Medio Ambiente, fomos a Santiago a ver o nacemento do río Sar e tamén visitamos o Museo de Historia Natural.

Álbum: Curso 2023/2024 -> Día do Medio Ambiente

O alumnado de 3º e 4º de Educación Primaria aprendemos moito grazas a unha científica de Augas de Galicia. Valoramos o uso da auga nas nosas vidas, coñecemos o importante que é respectar os cauces dos ríos e o útiles que son as areas, pedras,... no seu leito, causas e consecuencias de inundacións,...

Álbum: Curso 2023/2024 -> Proxecto Ríos Charla 3º-4º EP

Con motivo da conmemoración do día mundial das abellas (20 de maio), o alumnado de Arts das seccións bilingües en 1º e 2º de educación primaria, elaboraron a súa propia colmea, mentres comprendían a importancia que estes pequenos seres teñen para as persoas; tanto na produción de alimentos, como na súa importante labor como polinizadoras; así como a diminución de poboacións de abellas na actualidade, debido a contaminación atmosférica e a chegada doutras especies invasoras.   

Álbum: Curso 2023/2024 -> Voz Natura Maio

Poñemos en práctica o aprendido na sesión de formación sobre a cortadora láser, cunha facilitada de préstamo polo Cafi. Velaquí son os resultados. Mágoa que algúns traballos precisen moito tempo e non puidésemos rematalos. 

Álbum: Curso 2023/2024 -> Polos Creativos VIII

A rapazada de infantil fai florecer o noso idioma para conmemorar o día das Letras Galegas.

Álbum: Curso 2023/2024 -> Letras Galegas 2024 Educación Infantil