Iniciar sesión
SECRETARÍA
Mural Día da Paz 2024
admin — Lun, 17/06/2024 - 19:54
O mural da Paz deste curso 2023-24 recolle diferentes aportacións de artistas contemporáneos que se expresan a través da arte nas rúas, graffitis, arte dixital… O que se pretende é promover unha reflexión ante diferentes conflitos armados que están sucedendo no mundo nestes momentos. Os artistas non están desconectados do mundo e queremos valorar a importancia das mensaxes que se transmiten a través das diferentes linguaxes artísticas e fomentar a expresión plástica, a creación, a libre expresión de ideas desde o respecto á diversidade, a xustiza e o pacifismo.
O lema In unity we believe, souls have no flags (que está perfectamente representado pola imaxe das dúas nenas abrazadas) é do dúo Lediesis. A imaxe da nena abrazando os seus xeonllos é da artista Shamsia Hassani. A palabra Peace/Please e as grietas da parede están tomadas de Dido. A nena que perde o globo é unha obra ben coñecida de Banksy. Toda a composición pretende facer visible a situación de inseguridade, a impotencia, o medo e a aniquilición que veñen da man dos conflitos armados, e quere reforzar a idea de paz e a crenza de que a través da arte pódense abrir os ollos das persoas e, mesmo, promover o pensamento crítico e, a partir de aí, xerar cambios.
Esta actividade, que se desenvolve ao longo de moitos meses, é un traballo en equipo no que moitos nenos e nenas do centro se implican. Mentres compartimos momentos cos pinceis falamos de moitas cousas e tamén así se crean lazos e se plantexan cuestións que invitan a reflexionar. É un traballo colectivo pero, ao mesmo tempo, cada participante pode facer unha viaxe propia a través das liñas, as cores, o movemento das mans e as percepcións a través da mirada.
"Non tomamos posicións políticas e non cremos que sexa fácil abordar o tema nun momento tan delicado", declaran a Euronews Culture, o dúo Lediesis. "O único que podemos facer é levar unha mensaxe de esperanza na oscuridade da noite".
E o que nós facemos cada ano é encher as paredes do patio de liñas e cores que transmiten mensaxes de paz.
Saída Fin de Curso 2º EP
admin — Lun, 17/06/2024 - 13:09
A cativada de 2º de Educación Primaria acudiu o venres 7 de xuño ao Centro Ecuestre Galiocio (O Grove) para desfrutar de distintas actividades hípicas.
Analítica Río Sar - 5ºEP
admin — Xov, 13/06/2024 - 13:06
Os nenos e nenas de 5º de Educación Primaria, ao igual que fixo o alumnado de sexto á semana pasada, acudiron ao Campo da Barca para desenvolver a actividade sobre a analítica do Río Sar.
Xornada de Convivencia no Monte Santiaguiño
admin — Mér, 12/06/2024 - 16:40
Onte, 11 de xuño, a rapazada de 6º de Educación Infantil desfrutou dunha xornada de convivencia no Monte Santiaguiño. Fixeron mandalas con distintos elementos naturais e merendaron todos xuntos.
Visita Club Ciclista Cortizo
admin — Mér, 12/06/2024 - 10:43
O club ciclista Cortizo visitou o noso centro co fin de promocionar o ciclismo e a utilización da bicicleta como vehículo alternativo e actividade de ocio.
Visita Tellados da Catedral de Santiago
admin — Mar, 11/06/2024 - 15:28
Hoxe, 11 de xuño, as crianzas de 5º de educación primaria acudiron a Santiago de Compostela para subir ás cubertas da Catedral, asistir a unha interesante charla sobre detalles da súa construción e visitar o seu museo (colección permanente).
Piragüismo 5º EP
admin — Ven, 07/06/2024 - 16:49
Un ano máis, o alumnado de 5º de Educación Primaria participou na actividade de piragüismo no Club Náutico de Pontecesures.
Saída Ecoparque Marín - 5º EP
admin — Xov, 06/06/2024 - 20:25
A cativada de 5º de Educación Primaria acudiu hoxe, 6 de xuño, ao Ecoparque Marín onde puido desfrutar dos variados circuítos arbóreos e das tirolinas alí instaladas.
Voz Natura Educación Infantil
admin — Mér, 05/06/2024 - 19:55
Hoxe, 5 de xuño, a rapazada de infantil fixo a colleita das leitugas que plantou. Levaronas para o comedor e desfrutaron dunha rica e ecolóxica ensalada no seu menú.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
Calendario
Lun | Mar | Mér | Xov | Ven | Sáb | Dom |
---|---|---|---|---|---|---|
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 |