Complementarias

Informamos de que o vindeiro 13 de xuño en horario de mañá vai ter lugar a V Edición da nosa Carreira Solidaria.

Este ano recaudaranse cartos para a Fundación Andrea: de apoio aos nenos con enfermidades de longa duración. 

Hoxe os nenos levaron un tríptico con máis información, que tamen poderedes descargarvos nos documentos adxuntos a esta publicación.

Agradecemos entreguen os cartos recaudados polos seus "patrocinadores" na maior brevidade posible a cada titor/a.

Moitas grazas pola vosa colaboración e agardamos que vos animedes tamen a participar con nós na carreira.

"Unha pequena acción vale máis cunha gran intención"

Deixámosvos un pequeno resumo da xornada de onte coa recollida de plásticos na praia da Compostela. 

"Pensa localmente, actúa localmente" e sempre tendo en conta que xuntos podemos construír grandes cousas.

Moitas grazas pola vosa colaboración. Os peques pasáronno xenial!

Dende o cole de Carril queremos ensinar ao mundo o bonito que falamos, que fermosa é a nosa lingua e que palabras tan marabillosas temos!!!

E que mellor maneira que con esta pequena representación en vídeo feita polos ananos do cole? 

Ademais, compartímosvos o mural colaborativo levado a cabo por todo o cole en conmemoración a Luisa Villalta.

Esperamos que desfrutedes destas actividades tanto coma nós.

FELIZ DÍA DAS LETRAS GALEGAS A TODA A COMUNIDADE DO CEIP PLURILINGÜE ROSALÍA DE CASTRO!

O mércores 1 de maio celebrarase o Certame da Festa dos Maios 2024, que convoca a Concellaría de Cultura do Concello de Vilagarcía

 ás 11:30 horas, na Praza da Peixaría, por se quixérades pasar a ver o resultado. Aínda con todo, por aquí vos deixamos un anaquiño do proceso:  

 AUDIO CANTIGA DO MAIO 

INTERPRETADA POR S.D.D. (6ºA)

MOITAS GRACIAS POLA VOSA COLABORACIÓN!!

Sen as vosas aportacións nada disto sería posible. Ata o ano que ven!!

O Cole de Carril hoxe vestiuse de cine para celebrar o Entroido!! 

Por aquí vos deixamos algunhas imaxes:

Álbum: Curso 2023-24 -> Entroido 24

Co galo do 8M todo o centro traballou nun proxecto sobre "Mulleres de película". Investigamos sobre o papel da muller no cine, coñecemos a diferentes mulleres relacionadas con esta industria e elaboramos o noso propio mural con realidade aumentada para que todas as clases puideran velo. A maiores puidemos recibir a visita de diferentes actrices da contorna: Carla Rivas e Rebeca Solla (podedes ver as imaxes no blog da biblio ou nas nosas redes). Foi todo un pracer!

Os maiores de 5º e 6º foron os encargados de realizar un Escape Room guiado por Pancho e Flora (as mascotas da nosa biblio) por todas as clases e fixeron aos pequenos reflexionar sobre o papel da muller nas películas Disney.

*Fai clic na imaxe para acceder ao xogo:

Todas as clases foron implicadas na celebración desta data. Por aquí vos deixamos o Pasapalabra de Igualdade elaborado polo alumnado de 6º no que puxeron en práctica os seus coñecementos co Chroma así coma o novo vocabulario traballado ao longo deste curso:

Desde o Equipo de Dinamización de Lingua Galega, celebramos a conmemoración do Día de Rosalía, 23 de febreiro, coa actividade "Rosalía Universal".

A idea foi facer unha compilación de fotografías de monumentos, rúas, centros educativos, bibliotecas... nas que se fai referencia á autora, comprobando así o alcance que teñen a súa figura e a súa obra.

A participación foi espectacular, tanto por parte do alumnado como do profesorado, o que agradecemos enormemente.

O resultado é, este marabilloso mural, no que así homenaxeamos a nosa autora máis universal. 

Ademais, para celebrar este propio día o alumnado de Ed. Infantil realizou esta pequena interpretación cos

seus debuxos da canción "Rosalía pequeniña" de Uxía Senlle. Por aquí vos deixamos o vídeo:

A profe Paula foi a encargada de entregar os premios aos gañadores do concurso TIC deste curso escolar dentro do proxecto viaxando pola cine.

Noraboa aos gañadores/as!!! 

Resultados do mural colaborativo elaborado por todo o cole sobre a "PAZ NO CINE".

Cada clase escolleu a súa peli favorita para reflexionar sobre os seus valores ou frases típicas relacionadas coa paz.

Deixamosvos unha foto de como quedou:

A maiores, deixamosvos algunhas imaxes dos apadriñamentos lectores levados a cabo polo alumnado de 5º e 6º de Primaria cos máis peques do cole.

Contáronlle a historia de Wangari: a Primeria Muller africana en recibir o premio Nobel da Paz en 2004. 

Esperamos que vos gustara tanto coma a nós! FELIZ DÍA DA PAZ

 Queremos desexarvos Bo Nadal e unhas Felices Festas. Que este ano novo siga sendo de cine!

Lembrade que o día 8 de xaneiro, despois das vacacións, vos agardamos cos brazos abertos. 

Como ben sabedes, a inaguración das luces do cole foi todo un éxito!!

Moitísimas grazas ás familias que dedicáchedes un momentiño para pasarvos cos peques a velas pola tarde-noite. Temos moita sorte de contar coa vosa implicación. Deixámosvos por aquí un par de fotos para os que non as puidérades ver. Moitas grazas tamen a Gonzalo, pois foi el quen dedicou moitas horas a montar este espectáculo coa axuda dos profes e dos nen@s, e entre todos deixar o noso cole con este espírito tan bonito.

Deixámosvos tamen un vídeo da festa de fin de trimestre: Nadal Fest'24

Sesións de cine navideño, badaladas con gusanitos e moita festa!!!

Durante este curso 2023/24 no centro vanse desenvolver unha serie de actividades complementarias e extraescolares:

• Samaín/Halloween
• Magosto
• 25N
• Nadal
• Día da Paz
• Entroido
• 8M
• Fin de Curso

"Viaxando polo cine" vai ser o eixe vertebrador en todas elas!