O pasado martes 1 de marzo, coincidindo co inicio do proceso de admisión de alumnado para o vindeiro curso, celebrouse no centro unha xornada de portas abertas, actividade incluída no Plan Socio-comunitario impulsado polo Concello de Ferrol, a través da área de Benestar.
Contamos coa asistencia de familias, de representantes da ANPA e da federación de ANPAS, de persoal docente do IES Sofía Casanova, da Concelleira de Benestar Social e do Concelleiro de Educación así como de representantes de diversas entidades culturais e sociais do barrio.
A xornada consistiu nunha visita polas dependencias do colexio, na que se lles deu a coñecer ás persoas asistentes o traballo docente que a diario se desenvolve: proxectos de centro e de aula, innovación educativa, atención á diversidade, organización académica... (Premer na imaxe da esquerda para ver as fotos.)
E tamén:
- Interpretación musical e de danza por parte dunha alumna do centro e de dúas ex-alumnas. (Vídeo)
- Exhibición de capoeira, actividade extraescolar que se estaba a desenvolver esa tarde. (Vídeo)
Moitas grazas a todas as persoas participantes.
Igualmente agradecemos o bo facer da traballadora social e da educadora familiar no desenvolvemento educativo do Plan Socio - comunitario coa iniciativa "Aula de Familia" que se está a desenvolver no colexio todos os martes.
