Ábrese o prazo de inscripción nas seguintes actividades extraescolares que ofertamos a través da Federación de Anpas e do Concello. 

Todas as inscricións faranse online na web http://www.fedapascoruna.org/inscripciones

Para inscribirse tede en conta o seguinte: 

- Tedes que ser soci@s da Anpa (podedes facervos socios premendo aquí)

- Hai que aboar 4€ por nen@ en concepto de seguro, con independencia do numero de actividades ás que acuda, que se cargará no número de conta facilitado no formulario de inscrición.

- As persoas beneficiarias da bolsa comedor están exentos do pago da cota da actividade, non así do seguro de accidentes.

Tamén comentar que igual alguna actividade non se chega a facer senon chegamos ao mínimo de 10 nenos.

PRAZO DE INSCRICIÓN

Do 12 ao 18 de setembro de 2022.

PERÍODO DE REALIZACIÓN

Do 3 de outubro de 2022 ao 31 de maio de 2023.

COTAS TRIMESTRAIS A ABOAR

Aboaranse 3 cotas ao longo do curso 22/23 nos seguintes períodos:

• Período outubro-decembro: 15€ por participante e escola deportiva/obradoiro / 45€ por Inglés.

• Período xaneiro-marzo: 15€ por participante e escola deportiva/obradoiro / 45€ por Inglés.

• Período abril-maio: 10€ por participante e escola deportiva/obradoiro / 30€ por Inglés.

COLORÍN COLORADO. Contacontos

Actividade de contacontos que fomenta o gusto pola lectura á vez que potencia a imaxinación, curiosidade e a creatividade introducíndoos noutros mundos: reais ou fantásticos. Os contos, historias ou poemas permitirán expresarnos oral e corporalmente; inventando e recreando novos contos e personaxes, apropiándonos das palabras e desenvolvendo así valores estéticos e éticos. 

MANITAS. Expresión Plástica e Manualidades

Combinación de diferentes artes plásticas desenvolvendo a creatividade e imaxinación así como o potencial artístico de cada neno ou nena á través da manipulación e experimentación con diferentes materiais e técnicas.

COMECOCOS. Xogos de Lóxica Matemática

A través da variedade de xogos de lóxica matemática como crebacabezas, ilusións ópticas, parellas, enigmas ou xogos de taboleiro, desenvolveranse habilidades cognitivas como a observación, atención, comprensión, memoria, organización, toma de decisións, xestión emocional e velocidade de pensamento. 

XENIOS. Xogos de Lóxica Matemática

A través da variedade de xogos de lóxica matemática como crebacabezas, ilusións ópticas, parellas, enigmas ou xogos de taboleiro, desenvolveranse habilidades cognitivas como a observación, atención, comprensión, memoria, organización, toma de decisións, xestión emocional e velocidade de pensamento. 

 TEATRO. Dramatización

 Experimentar o pracer de facer teatro, mediante o xogo escénico, a improvisación e a   aprendizaxe de técnicas teatrais, desenvolvendo a expresión oral e corporal e mellorando   a súa capacidade comunicativa, creativa e interpretativa, ademais de traballar habilidades   sociais.

SCAPE ROOM. Pensamento lóxico matemático

Xogo baseado no desenvolvemento das habilidades mentais para a solución de enigmas e problemas. Os nenos e as nenas traballando en grupo poñerán en xoga a creatividade e o pensamento crítico para ir superando diferentes probas ou retos e así resolver a proba. O obxectivo é saír dunha sala (pode ser virtual) dentro do contexto e recreación dunha historia, e para iso os xogadores deberán usar todas as súas capacidades intelecturais, creativas e de razoamento deductivo.

ENREDADOS. Novas tecnoloxías.

Descubrir e coñecer a utilidade e o manexo das novas tecnoloxías como ferramenta e complemento á formación dos nenos e nenas, iniciándoos no manexo básico do ordenador ou tableta e fomentando o seu uso razoable e responsable. Os contidos serán: - A introdución á informática e contorna Windows; - O procesador de texto; - Presentacións en power point ou otras app; - Internet, procuras guiadas; O correo electrónico. Os contidos desenvolveránse segundo o nivel do grupo.