A Dirección do CEIP Raquel Camacho informa de que a partir de hoxe, 12 de abril, e durante un período de 20 días lectivos consecutivos, o alumnado do colexio recibirá un envase de leite de 200 ml para tomar no recreo. As familias do alumnado con intolerancia ou alerxia á lactosa deben comunicarllo ao seu titor/a e recibirán un brick de leite sen lactosa. A participación neste proxecto foi aprobada polo Consello Escolar no mes de xuño do ano 2020 dentro da convocatoria da Consellería de Cultura, Educación e Ordenación Universitaria en colaboración co FOGGA (Fondo Galego de Garantía Agraria).

Onte, día 5 de abril, publicouse no Boletín Oficial da Provincia a convocatoria de bolsas de comedor para o curso 2021-2022. Os prazos para a solicitude das bolsas de comedores escolares irán desde o día 5 ata o día 30 de abril, ambos incluídos. Os impresos estarán dispoñibles nas oficinas de todos os rexistros municipais, nos centros cívicos municipais, na web do Concello de A Coruña e na sede electrónica. 

Máis info premendo aquí ou na imaxe de arriba.