Comedor

O Consello da Xunta ven de autorizar, de xeito excepcional, no caso de non contar no comedor escolar co número preciso de colaboradores que 
cumpran coas actuais condicións, a posibilidade de abrir unha nova lista de colaboradores voluntarios mentres a situación producida pola pandemia do COVID-19 persista.

Estamos autorizados a ter ata 14 colaboradores por xornada. De forma excepcional poderán inscribirse na nova lista colaboradores voluntarios que sexan familia e convivan no mesmo domicilio do alumnado usuario do servizo.

Adxúntase a información e requisitos para poder formar parte da lista 
de colaboradores de comedor.

Pregamos a vosa colaboración co obxecto de procurar unha mellora na organización e prestación do servizo de comedores. É de suma importancia dispoñer dos colaboradores suficientes que poidan cubrir estes postos tanto de forma habitual como en causas de ausencia.

Encarga de comedor
CEIP Praia Xardín

Aquí tedes un resumo informativo sobre o protocolo de adaptación ao covid que se está a seguir no comedor do cole.

Resumo familias comedor

Os/as interesados/as poden anotarse para colaborar no comedor ata o día 7 de setembro chamando ao 881 866 546 (de 10:00 a 13:00) e indicando nome, apelidos, teléfono e grupo do neno/a. Tamén se pode facer a través do correo electrónico do centro (ceip.praia.xardin@edu.xunta.gal)

COMEDOR ESCOLAR  CURSO 2020/2021

MODELO DE AUTODECLARACIÓN (ANEXO II) (descarga)

• É moi importante cubrir os seguintes datos:

• Importe da casiña da renda neta do IRPF 2019 (Apartado A)
• Detallar os membros da unidade familiar (pais/nais/fillos/as) Apartado B
• Importe da renda neta per cápita (Apartado C)
• Marcar a casiña que corresponda segundo a renda per cápita  (Apartado D)
• Asinar todos os membros da unidade familiar agás os menores de idade.

• Non entregarán a autodeclaración cando xustifiquen documentalmente algunha destas situacións:

• Alumnado de unidades familiares con situación socioeconómica de exclusión social.
• Alumnado con discapacidade declarada igual ou superior ao 33%.
• Alumnado en situación de acollemento residencial ou familiar.
• Alumnado de unidades familiares vítimas de terrorismo ou violencia de xénero.

O PRAZO DE ENTREGA REMATA O 9 DE SETEMBRO

Pódese entregar presencialmente no centro de 10:00 a 13:00 h. (con cita previa), ou vía mail (ceip.praia.xardin@edu.xunta.gal).

Para calquera dúbida, falar con administración:

881 866 546