O proxecto "A vida no acuario" de Audición e Linguaxe, levado a cabo pola mestra do centro Sonia Sánchez Guerra, resulta premiado no V premio de Innovación Educativa convocado por "Escola Viva" en colaboración con FeSP-UGT Galicia
Parabéns para o alumnado e a mestra de Audición e Linguaxe participante que resultou agasallado cunta contía de 2.000 euros.
O obxectivo da posta en marcha deste proxecto de traballo é dual e non só está pensada nunha intervención individualizada (co propio alumnado de AL) senón que tamén ten unha parte de intervención no contexto habitual no que o alumnado habita. Pretende abordar un traballo xa reclamado por Halliday ao indicar que “común a todos os usos da linguaxe é ser significativo, contextualizado e social. O neno atópase inmerso na linguaxe pero non en forma de gramáticas e dicionarios senón de palabras, frases e textos, linguaxe en uso que se produce nunha situación e que ten unha significación social” (Halliday, 1982: 13)
Este é o segundo premio que recibe o centro á innovación educativa, que se xunta co recibido polo alumnado de 3º de Educación Primaria coa mestra Patricia Pena Barbeito no proxecto "Coñecendo Outes", no curso 2015-2016.
