CEIP PLURILINGÜE DE OUTES

O Concello de Outes vén de poñer en marcha un servizo de impresión de material escolar para aquelas familias que o precisen.

Para acceder a este servizo as familias interesadas deberán poñerse en contacto co Concello a través do mail tarefas.outes@gmail.com ou a través do teléfono 981-850-003 en horario de 09:00 a 14:00 h indicando as tarefas a imprimir, dirección de envío e un teléfono de contacto.

AbalarMóbil é unha aplicación que permite ás familias consultar a información académica de calquera dos seus fillos a través do teléfono móbil.

Vistas as instrucións recibidas dende a inspección educativa, informámosvos de que o 2 de abril serán publicadas as cualificacións do alumnado correspondentes á segunda avalicación a través da aplicación "AbalarMóbil". Para acceder ás mesmas deberedes ter descargada nos vosos teléfonos móbiles dita aplicación da Xunta de Galicia.

No arquivo adxunto podedes acceder a unha guia para dita instalación. Se tendes algún problema para instalala podedes chamar ao teléfono: 881-997-701.

Se algunha familia non pode acceder deste xeito, que se poña en contacto co/a titor/a por correo electrónico ou chame ao tleéfono do centro de 10:00 a 13:00 h.

Estimadas familias:

Vistas as instrucións recibidas dende a inspección educativa, informámosvos de que o 2 de abril serán publicadas as cualificacións do alumnado correspondentes á segunda avaliación. Para poder acceder ás mesmas deberedes ter descargada nos vosos teléfonos móbiles a aplicación "AbalarMóbil" da Xunta de Galicia, pois ese será o medio no que se vos transmitirán. Se tedes algún problema para instalala, podedes chamar ao teléfono: 881-997-701.

Se algunha familia non pode acceder deste xeito, que se poña en contacto co/a titor/a por correo electrónico ou chame ao teléfono do centro entre as 10:00 e as 14:00 h (881-866-840).

Un saúdo.

A Dirección

O CENTRO PERMANECERÁ PECHADO DENDE O LUNS DÍA 16 DE MARZO

- As instalacións do centro permanecerán pechadas, non podendo acceder ninguén ás mesmas agás persoal docente e persoas autorizadas.

- A atención telefónica será no horario de 10:00 h a 14:00 h (881-866-840)

PROCESO DE ADMISIÓN

- Ampliase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

INSTRUCIÓN RESPECTO DA ATENCIÓN DO ALUMNADO

- Debido á suspensión da actividade académica nos centros educativos por mor do COVID-19 , envíase dende esta plataforma actividades que o alumnado pode realizar nas súas casa durante o tempo que dure dita suspensión. Na marxe dereita teñen as titorías e especialidades para poder acceder a elas.

- Deixamos a vosa disposición os correos electrónicos das diferentes titorías así como das especialidades para poder comunicarnos ante calquera dúbida referida á titorización ou atención do alumnado. Da mesma maneira, e co obxectivo de poder facilitar calqueira consulta créase un correo do Departamento de Orientación.

A DIRECCIÓN

O prazo para presentacións das solicitudes de admisión para alumnado de nova incorporación ao centro, abranguerá dende o día 1 ao 23 marzo, ambos inclusive, de 2020 (o 19 e 20 de marzo o centro permanecerá pechado).

O luns 2 de marzo de 2020 ás 17:00 h, as familias que así o desexen poden facer unha visita ao centro para coñecer as súas instalacións e funcionamento.

Acheganse dous documentos adxuntos:

- Circular informativa

- Modelo solicitude (Anexo II - Procedemento ED550B)