Desde o Equipo Directivo queremos informarvos de que non foi publicado o horario de Outubro xa que se vai celebrar mañá un Consello Escolar extraordinario que vai tratar como único punto:
Solicitude extraordinaria de aprobación de reaxuste horario temporal na actual situación sanitaria.
A instancias de Inspección Educativa o órgano de representación de familias, persoal non docente, Concello e mestr@s debaterá sobre a necesidade de reaxustar o horario á situación sanitaria actual.
O Plan de Adaptación á situación Covid que se adoptou no centro establece numerosas medidas que contribúen a facer deste espazo un lugar o máis seguro posible. A solicitude deste reaxuste horario suporía unha medida máis a adoptar nesta liña na que o obxectivo claro é minimizar o risco sanitario.
