Dende os equipos de DLG, ACE, así coma dende o PDC, queremos proporvos aos nenos/as a clebración do "PAMPALLIN" nos vosos fogares, grazas a que a partires do domingo 26 de abril xa poderedes saír acompañados dun adulto/a (e tomando as medidas pertinentes). Para iso, debemos contar coa colaboración das vosas familias, tanto á hora de ir recoller os pampillos (margaridas silvestres amarelas) polas hortas, leiras, arrós, cunetas no propio día, 30 de abril ou na véspera, coma logo á hora de elaborar as pulseiras, os colares, os aneis e/ou as coroas, coa axuda dunha agulla de coser grosa (a poder ser de plástico) e fío de lá ou ganchillo (preferiblemente).
Como moitos/as persoas adultas lembraredes, antano en Outes o Pampallín estaba moi presente. Viña ser un rito de orixe celta para darlle a benvida á primavera e pedir que houbese boas colleitas.
Solicitamos tamén a vosa colaboración enviándonos unha fotografía do neno/a facendo o seu colar, pulseira..., que logo subiremos á páxina web e/ou a algún blogue do centro en forma de reportaxe gráfica. Polo tanto se enviades as fotografías, entenderase que autorizades o seu uso na páxina web e/ou nos blogues do centro. A data límite de envío será o 1 de maio.
Rogamos que os/as nenos/as de Educ. Infantil e de 1º,2º e 3º e Educ. Primaria conten coa supervisión dun/ha adulto/a á hora de eleborar eses colares, pulseiras, etc dos que vimos falando.
Se alguén ten dúbidas de como elaborar os citados colares etc... pode ver o video titorial premendo no seguinte enlace:
