O alumnado de 3º de E. Primaria e as súas titoras realizaron unha visita didáctica ao Concello o pasado 6 de abril. Con esta visita, trataron de levar á práctica todo o que aprenderan, previamente, sobre a localidade na área de Ciencias Sociais.
Ao chegaren alí, recibiunos/as a Sra alcaldesa e, de seguido, foilles amosando as instalacións e explicando algúns dos servizos municipais.
A continuación, levounos ao salón de plenos, onde lles brindou a oportunidade de sentaren. Finalmente, tras tomaren asento, expuxéronlle: as inquedanzas, os desexos e as necesidades que cada un/unha deles/as considerou oportunos/as, tanto para o centro educativo no que estudan como para os lugares nos que residen.
