Ola nenos e nenas!!!
Hoxe toca un pouquiño de poesía!!!
Como sabedes, o arco da vella converteuse nunha consigna especial nestes tempos, por iso aquí vos deixo un poema de Manuel María que ten por título: “O arco da vella”.
O ARCO DA VELLA
O arco da vella
no ceo subido
co seu colorín
co seu colorido.
O arco da vella
con sete colores
que teñen, no ceo,
beleza de flores.
O arco da vella
no ceo chantado
co seu colorín,
co seu colorado.
O arco da vella
é un arco triunfal
con sete guerreiros
que a ninguén fan mal.
O arco da vella
de luz feito é.
¡Resulta un milagre
que siga de pé!
Manuel María: «Os soños na gaiola»
Tamén vos deixo a súa versión musicalizada:
Agora podedes facer :
- Un arco da vella pintado e decorado como vós queirades, con calquera tipo de material e escribir nel un anaquiño de poema.
- ¿Cantas cores ten o arco da vella? Escribe o número.
- ¿Cales son esas cores? Podedes escribir o nome de cada cor e debuxar algo que sexa desa cor.
Para rematar, un pouquiño de exercicio. Hoxe é xoves e toca psicomotricidade.
Ánimo!!!
E recordade que mañá non hai cole, así que BOA FIN DE SEMANA!!!
Xa volvemos o luns.
Biquiños!!!
