CEIP O Areal

Durante este curso, estamos realizando os Apadriñamentos lectores. Esta actividade consiste en que os maiores, unha vez á semana, lles len un conto aos máis pequenos durante a Hora de ler. 

Encántalles compartir lecturas. Mirade as imaxes.

O alumnado de 5º e 6º de Educación Primaria contaron coa visita de Sergio, o Garda Civil, que lles falou sobre a ciberseguridade e o acoso escolar.

O mércores 18, o alumnado de 5º de Educación Primaria tivo a visita de Sogama. Durante a charla, o alumnado puido aprender a separar os residuos para a súa posterior reciclaxe. Ademais, nas vindeiras semanas, eles e elas serán os encargados de transmitir eses coñecementos ao resto do alumnado do centro.

Esta actividade encádrase dentro do Plan Proxecta - Recíclate con Sogama.

O xornal de La Voz de Galicia fíxose eco desta actividade. Premede sobre a imaxe para ver toda a información completa.

As familias que queiran que o/a seu/súa fillo/a estude 1º de Educación Secundaria Obrigatoria no IES Plurilingüe Pedra da Aguia (Ponte do Porto), centro de adscrición do CEIP O Areal (Camariñas), terán que entregar a solicitude de reserva de praza do día 16 de xaneiro ao 6 de febreiro nalgunha das seguintes formas:

1. Na aplicación admisionalumnado. Cubrir a solicitude informaticamente e presentala asinada de xeito manual no centro.

2. Na sede electrónica da Xunta de Galicia.

3. Na secretaría do CEIP O Areal (axúntase o modelo que se debe cubrir).

As familias que queiran que o/a seu/súa fillo/a estude noutro centro distinto, terán que entregar a solicitude de admisión de praza do día 1 ao 21 de marzo. 

Lexislación aplicable:

- Decreto 13/2022, do 3 de febreiro

- Orde do 21 de outubro de 2022

Durante os últimos días fixemos moitas cousas vencelladas co Nadal: obradoiros de manualidades, fomos patinar, celebramos a lotería e as badaladas e, ademais, deunos tempo a crear esta felicitación de Nadal para todos vós. 

Agardamos que vos guste!

Bo Nadal para toda a comunidade educativa!