CEIP O Areal

Durante as últimas dúas semanas, tivemos a sorte de contar con diferentes murais que nos falaban dos mamíferos mariños, os cales foron cedidos pola CEMMA. Esta actividade rematou hoxe cunha serie de charlas impartidas por dita ONG e na que participou o alumnado de todos os cursos.

Esta actividade encádrase dentro do PDI do centro e dos Plans Proxecta.

Desde hoxe, o CEIP O AREAL participa nunha iniciativa de reciclaxe de aceite usado de cociña chamada BIOESCOLAS. Trátase dunha actividade de reciclaxe dirixida ao alumnado de centros escolares de Galicia. 

O funcionamento é o seguinte:

- O alumnado poderá traer o aceite usado de cociña das súas casas nunha botella de plástico pechada e depositalo no contedor específico situado na entrada do colexio.

- Este aceite recollido terá un retorno económico para as actividades, material... do alumnado.

Animádevos a participar e axudemos a coidar o medioambiente.

Entre o 6 e o 10 de marzo, conmemorouse a Semana da Prensa. Durante eses días, o noso alumnado converteuse en xornalistas que recolleron as novas máis singulares que sucederon na súa contorna.

Todas esas novas, pódense consultar na biblioteca do centro.

O martes o alumnado de 2º, 3º e 4º de Educación Primaria gozou dunha pequena formación vencellada ao surf. Todos estes coñecementos teóricos poderán poñelos práctica durante os próximos meses no mar.

Fai uns días, todo o alumnado de primaria realizou unha excursión a A Coruña. Todos eles visitaron a exposición fotográfica de MEISEL e, despois, algúns foron ao acuario e outros foron visitar diferentes lugares da cidade.