Skip to Content

                              

Actividades

Concurso cartaces fomento do emprego do Galego.

Mér, 06/04/2011 - 18:30 — Xuvencos

Como en anos anteriores, participamos no concurso de cartaces que convocou a Coordinadora de Equipos de Normalización e Dinamización Lingüística da Comarca do Carballiño.

No noso centro resultaron premiados os traballos de Noelia de Ed. Infantil e os de Juan/Aarón e Gabriel de 3º Ciclo. O mérito foi enorme, xa que o nivel dos traballos presentados polos outros centros foi espectacular.

Este ano os premios aos traballos gañadores serán entregados durante a celebración do Correlingua 2011 que se realizará o 9 de maio polas rúas da vila do Carballiño e que organiza a CENDL da Comarca do Carballiño, á cal pertencemos nós.

 

 

 

Ver cadro de honra dos traballos premiados.

Imaxes dos traballlos gañadores 

Magosto 2010

Mér, 10/11/2010 - 19:02 — Xuvencos

Magosto 2010O día 11 de novembro, como ven sendo tradición, celebramos a festa do magosto no colexio. Tivemos que suspender a andaina ata Moldes, por mor do mal tempo. Temos pendentes de realizar a fogata e a sesión de xogos alternativos que estaba programada para ese día.

O xantar, foi o tradicional desta data: empanada, chourizos asados e castañas e doces típicos destas festas.

Ao longo dos próximos días completaremos esta nova coas actividades que realicemos.

 Ver reportaxe fotográfica Imaxes da actividade

Video do Samaín 2010

Lun, 01/11/2010 - 19:11 — Xuvencos

Termas de Ourense

Dom, 23/05/2010 - 16:31 — Xuvencos

O venres 21 de maio fixemos unha excursión a Ourense para relalizar unha andaina  visitando as diferentes termas que se encontran na ribeira do Miño.

Comezamos a andaina na ponte romana e rematamos nas termas públicas de Outariz, disfrutando das súas augas todos o alumnado e profesorado.

Estes foron os espacios termais cos que nos atopamos:

Día da poesía

Lun, 03/05/2010 - 15:08 — Xuvencos

Na semana seguinte ao 21 de marzo realizamos en todas as aulas talleres de poesía no que participou todo o alumnado do centro.

O equipo de biblioteca encargousse de seleccionar os mellores poemas de cada curso. Os autores dos poemas gañadores recitaron na biblioteca, ante todo o colexio, os seus traballos con gran solemnidade.

Con todos os poemas, elixidos ou non, fixemos un libro que pasa a formar parte dos fondos da biblioteca. Algúns deles serán incluídos no xornal escolar.

 

Podedes ver máis imaxes na galería do centro

Xogos populares

Lun, 03/05/2010 - 14:25 — Xuvencos

Durante o 2º trimestre desenvolveuse no colexio un obradoiro de xogos populares a cargo dos animadores da Fundación Xaquín Lorenzo que un ano máis nos sorprenderon coa posta en escena de diferentes xogos aos que xogaban os nosos paiss e avós.

Foron tres xornadas inolvidables. Xa estamos desexando que chegue o próximo curso...

 

Podedes ver máis imaxes na galería do centro

Obradoiro sobre o millo

Lun, 03/05/2010 - 05:15 — Xuvencos

A través da Consellería de Cultura e coordinados polo ENDL, realizamos no centro un Obradoiro sobre os  cabaceiros. O ponente informou ao alumnado de todo o relacionado co cultivo do millo e os diferentes modelos de cabaceiros (canastros) que hai na xeografía galega.

Moitos dos nenos descoñecían multitude de datos de este cereal que na nosa comarca apenas se cultiva. Tamén manipularon todas as ferramentas que son necesarias para o seu cultivo e a súa transformación en fariña. Pero o que lles chamou máis a atenciín foron as maquetas de cabaceiros feitas polo  ponente. 

Podedes ver máis imaxes na galería do centro

Convivencia en Beariz

Lun, 03/05/2010 - 05:08 — Xuvencos

O xoves 18 de marzo participamos xunto aos centros de Beariz e Virxe Peña da Sela nunha "Convivencia cultural-deportiva" no concello de Beariz.

Foi unha xornada moi especial, onde todos os nenos e nenas participaron nas diferentes actividades programadas ao longo de toda a xornada. Este ano na orqagnización das actividades tamén participaron os ENDL dos respectivos colexios favorecendo que parte das mesmas estiveran orientadas á "Defensa e fomento do uso do Galego", entre as que hai que destacar a elaboración dun gran cartaz co lema de "Sube ao tren do Galego".

As actividades que realizamos foron as seguintes:

  • Elaboración de caricaturas dos alumnos para o mural.
  • Confección do gran cartaz sobre o Galego.
  • Competición a tres bandas de fútbol sala nas seguintes categoría: prebenxamíns, benxamín e alevíns, tanto feminino como masculino.
  • Xantar campestre de convivencia.
  • Partido colectivo entre mestres e alumnos.
  • Clausura da xornada, coa exposición do cartaz.

Podedes ver máis imaxes na galería do centro

Resultados e clasificacións dos encontros  

Contacontos do Consorcio Galego

Dom, 02/05/2010 - 19:10 — Xuvencos

O venres 30 de abril tivemos a visita dun contacontos moi especial, Mario Tomás, do Consorcio Editorial Galego que fixo as delicias dos cativos, e non tan cativos.

Os contos fundamnetados en historias de galegos perseguían traballar a imaxinación do público.

Tamén representou unha obra de monicreques titulada "O rei e as tres princesas".  Pero o personaxe que máis lle gustou foi o avó pato que animou a sesión.

Podedes ver máis imaxes na galería do centro

23 de abril Día Mundial do Libro. Ano 2010

Mar, 27/04/2010 - 20:19 — Xuvencos

Día do libroDurante a semana do 23 de abril celebramos no noso colexio o Día Mundial do Libro. As actividades que realizamos foron coordinadas polo equipo de biblioteca e nelas participou toda a comunidade educativa.

As máis destacadas e que tiveron unha gran participación, foron as seguintes:

  • E ti..., Para que les?. Actividade elaborada desde os centros do Plambe, na cal participamos a nivel individual, realizando un mural con todos os cartaces dos alumnos. Unha vez desmontada a exposición elaboraremos un libro cos cartaces que pasará a formar parte da biblioteca.
  • Concurso de comics onde o protagonista tiña que ser a mascota da nosa biblioteca. "Xuve".
  • Concurso de contos sobre a historia de "Xuve".
  • Concurso de debuxo sobre "Xuve", para os alumnos de Educación Infantil.
  • Elaboración de tres murais sobre esta data, un deles en inglés.
  • Creación de marcapáxinas.
  • Memorizar e recitar varios poemas sobre o libro. Cada ciclo recitou un poema na biblioteca, tendo de espectadores aos demais alumnos.
  • Lectura dos contos gañadores polos seus autores.
  • Entrega de carnet da biblioteca, para poder xeestionar os préstamos por medio do Meiga.

Podedes ver máis imaxes na galería do centro

Distribuir contido


by Dr. Radut