Skip to Content

                              

Actividades

O sabor da aventura está no mar

Ven, 11/05/2012 - 20:30 — Xuvencos

Durante os meses de abril e maio participamos nuha campaña de promoción do consumo de peixe fresco no interior de Galicia, que se desenvolverá no noso centro nun total de 9 días, onde os menús se complementarán con algunha variedade de peixe fresco: pescada, troitas, mexilóns...

Para presentar o programa tivemos a representación dunha obra de teatro na que os alumnos e alumnas participamos activamente e onde íamos aprendendo os diferentes procesos que segue o peixe desde que é pescado ata que chega aos nosos pratos.

Galería fotográfica

Contacontos da Sabela

Ven, 11/05/2012 - 20:26 — Xuvencos

O mércores, 9 de maio, tivemos a visita dunha contacontos moi especial: A Sabela.

Grazas á  súa presenza fomos quen de representar un conto entre todo o público: uns facían o papel de protagonistas e outros animábamos aos actores.

Tres pitas pelexaban por ser as máis fermosas do galiñeiro...decidiron ir xunto ao Rei do lugar para que decidira cal delas era a máis fermosa...

 

Reportaxe fotográfica

 

Unidade didáctica sobre Antón Losada Diéguez

Lun, 07/05/2012 - 19:48 — Xuvencos

Elaboramos esta pequena Unidade Didáctica para traballar a figura de Antón Losada en todos os cursos do colexio.

Preme na imaxe para descargar a unidade didáctica en pdf

 

 

Caza do tesouro para pescudar sobre a súa vida e obra:

Hai que entrar como convidado.

Aline Franzao: Obradoiro Cacimbo

Xov, 03/05/2012 - 15:15 — Xuvencos

O 3 de maio tivemos no noso centro a actuación de Aline Frazao, cantante angoleña, con raices en Cabo Verde, que nos mostrou a todos aqueles países que podemos acceder grazas a no lingua.

Concurso cartaces CENDL da comarca do Arenteiro

Mér, 02/05/2012 - 19:41 — Xuvencos

Coma en anos anteriores, este ano tamén participamos na IV edición do concurso de cartaces en defensa e fomento do emprego do Galego que convocou a CENDL da comarca do Carballiño.

O nivel dos traballos foi moi alto, e resultou moi difícil a elección dos mellores traballos.

Os centros participantes foron os seguintes: CPI de Maside; CPI Virxe da Saleta de Cea; CPR Vila do Arenteiro; CEIP Virxe da Pena da Sela do Irixo; IES Chamoso Lamas; CPR Sagrado Corazón; e CEIP Nosa Sra de Xuvencos de Boborás.

No noso cole foron premiados os traballos de:

  • Iria de Educación Infantil.
  • Sofía de 1º Ciclo de Ed. Primaria
  • O traballo colaborativo de Sara, Paula e Andrea de 3º Ciclo de Ed. primaria.

A relación dos traballos gañadores podédela descargar aquí:

Cartaces de Ed. Infantil e Ed Primaria.

Marcapáxinas de ESO e Bacherelato.

EDUCACIÓN INFANTIL:

 
CPR Sagrado Corazón CPI de Maside
   
CPI Virxe da Saleta de Cea CEIP Nosa Sra de Xuvencos de Boborás

IV Serán de Boborás

Mar, 01/05/2012 - 19:45 — Xuvencos

O Sábado día 5 de maio celébrase no noso colexio o IV Serán de Boborás que organizan Os Serandeiros.

A experiencia dinos que se monta unha boa troula, así que recomendámosvolo a todos e todas as que vos podades achegar.

A cita é no patio da escola, a partir das 20:00 h. Haberá un Obradoiro de baile tradicional para nenos e adultos, o serán infantil, Concurso de Aturuxos... para xa chegada a noitiña ter a intervención de múltiples grupos tradicionais,...

...todo aderezado con bebida e petiscos de balde.

 

Aline Franzao no noso colexio

Mar, 01/05/2012 - 12:26 — Xuvencos

Aline Franzao é a cara visible do proxecto Cacimbo, un obradoiro destinado a rapaces do ensino primario, na Galiza. O obxectivo desta proposta é mostrar as culturas dalgúns países africanos de lingua portuguesa por medio da música, do vídeo e a través da interacción co alumnado.

O xoves, 3 de maio, estará no noso colexio!!

 


Resultados da enquisa do emprego do galego

Mar, 01/05/2012 - 11:41 — Xuvencos

Durante o mes de abril, do curso 2011/2012, realizamos unha enquisa para actualizar os datos que tiñamos no centro sobre o emprego do galego na nosa comunidade educativa.

O total de poboación participante foi de 83, que corresponde a un 85% da poboación posible.

Para comprobar os resultados tedes que premer na imaxe da esquerda.

Mel de Galicia

Mar, 17/04/2012 - 18:34 — Xuvencos

O 16 de maio organizamos no noso centro en coordinación co Consello Regulador da Indicación Xeográfica Protexida Mel de Galicia unha charla informativa titulada “O doce mundo do Mel de Galicia” a través dunha relatora aportada polo Consello Regulador.

A actividade consistiu nunha pequena introdución, a través dunha charla, ao mundo do mel dirixida a toda a comunidade educativa. Nela aprendemos o proceso de obtención do mel así como os materiais que utilizan os apicultores para extraelo. Ao final da actividade fíxose unha degustación de Mel de Galicia e entregouse a cada neno un agasallo moi divertido.

Co aprendido na ponencia, estamos a realizar un traballo sobre o oficio dos apicultores, que colgaresmos no libro dixital dos oficios do centro.

Ver imaxes da actividade

23 de abril, Día do Libro 2012

Mar, 17/04/2012 - 17:53 — Xuvencos

Desde o regreso de Semana Santa estamos a realizar actividades en relación a celebración do Día do Libro.

As máis destacadas son:

  • Obradoiro de banda deseñada que estamos a realizar en todos os ciclos e niveis e que ten como actividade final a realización dun cómic para presentar ao concurso que se convocou desde o Equipo de biblioteca en colaboración co EDL do centro.
  • Elaboración dun libro de banda deseñada con todos os traballos presentados que pasará a engrosar os fondos da biblioteca.
  • Representación no salón de actos do cole da obra de teatro"O mundo sabe a mar", en colaboración coa Consellería de Pesca.
  • Un contacontos realizados polo alumnado de segundo ciclo para os alumnos máis cativos do cole: "Os trotamúsico".
  • Entrega dos premios aos mellores lectores deste cuatrimestre.
  • Elaboración dun gran cartaz na entrada do centro sobre o Día do Libro no que representaremos a imaxe desta nova que elaboraron o equipo de biblioteca, Equipo TIC e EDL, en coordinación.
  • Visionado no salón de actos dos seguintes vídeos en galego, inglés e español para reflexionar sobre a importancia que lle damos aos libros e lectura:

"Como se fai un libro"

 

"The Fantastic Flying Books of Mr. Morris"

"Palabras"

Distribuir contido


by Dr. Radut