Foron publicadas as instrucións de comedor escolar (Instrución 1/2024) da secretaría Xeral Técnica da Consellería de Cultura, Educación, Formación Profesional e Universidades, do 1 de xuño,sobre o funcionamento dos comedores escolares de xestión directa para o curso 2024- 2025 (Consultar).
Na mesma réxense as normas xerais de usuarios de comedor e tamén as que colaboradores de comedor.
Na documentación vai anotado todo o que se ten que traer para poder facer efectiva a anotación na listaxe.
Foron recibidos pola dirección do centro, Armando Yáñez e Fran González; e da man das investigadoras do Grupo Integrado de Ingeniería, convertéronse en enxeñeiras e enxeñeiros navais por un día. Foron quen de construír un pequeno barquiño con materiais recliclados e de poñelo a navegar no Canal de Ensaios Hidrodinámicos.
No Laboratorio de Fluídos, aprenderon que é un túnel de vento e, ademais de despeinarse un pouco pola forza do aire, puideron descubrir que prototipos se poden ensaiar nel.
Xa para rematar, no Laboratorio de Plásticos, comprobaron que é posible facer plástico sostible con biopolímeros e residuos da industria, como a lignina, e desenvolver así novos materiais, máis respetuosos co medio ambiente.
Agardamos que gozaran dunha xornada diferente de aprendizaxe que, de seguro, algunha que outra vocación científico-tecnolóxica axudará a espertar.
Dentro do noso proxecto Vila Olímpica Mosteirón e o fomento do deporte, conseguimos que Lucas Pérez (antigo alumno do centro), xogador do deportivo da Coruña visitase o noso colexio. Logo do encontro inicial, subiron representantes das clases á biblio para facerlle unha entrevista para a radio.
Moitas gracias por vir, foi unha experiencia única, na que nos amosou o gran corazón que ten.
Unha nova forma de aprender palabras novas en galegos é a través do Dígocho- Eu. Preséntase unha palabra ao alumnado para intentar investigar o que é, e logo, trabállase sobre ela! Mirade que ideas temos de cousiñas relacionadas coas olimpíadas.
O día 17 de abril celebramos o Día da Educación Física na Rúa 2024, este ano co lema "Educación Física e saúde mental", con distintas actividades lúdico-recreativas que tiveron lugar no Paseo Marítimo de Sada. Na xornada participou alumnado de todos os centros educativos da nosa localidade: CEIP O Mosteirón, CEIP Pedro Barrié de la Maza, I.E.S Isaac Díaz Pardo, I.E.S O Mosteirón e CEIP Sada y sus Contornos.
A actividade contou coa colaboración do Concello de Sada na súa organización e a participación de distintos clubs deportivos: Club Taekwondo Sada, Club Atletismo Sada, Club Salvamento Sada, Sadanza e Karts Manolo. Grazas a todos eles.
