Non me des a chapa!, así denominamos unha actividade que enmarcamos á par do proxecto de Polos Creativos no que participa o Baliño. Empregando unha máquina de chapas e tirando man da creatividade do noso alumnado, realizamos dúas actividades ben chuliñas:
Chapas co logo do Monte Baliño, deseñado polo alumnado de 5º e 6º para vender na feira e recaudar diñeiro para a súa excursión.
Chapas Día das Letras Galegas 17 maio: deseño individual libre con pequenas consignas (palabra ou debuxo relacionado con algo da temática de Galicia)
Temos uns pedazo de artistas... nós xa o sabiamos, pero vós podedes comprobalo.
As compañeiras e compañeiros de 5º e 6º seguen elaborando cousiñas para recaudar cartos para a excursión, que venderán na feira do pobo próximamente!
Nesta ocasión, adicáronse a elaborar unhas funcionais carteiras de follas de libros vellos e reciclados de diferentes tamaños para gardar todo o que se che ocorra, liberdade de opcións e posibilidades. Fixéronnas mediante a técnica do cosido.
A que vos tenta mercar algunha do bonitas e xeitosas que lles quedaron!!?? Animaivos. Próximamente información da venda!
Os nosos maiores (rapazada de 5º e 6º) seguen argallando manualidades e outras ideas para recompilar cartiños para a súa viaxe de fin de curso.
En homenaxe a Feira do Viño da zona (relacionándoo co noso Pdi "Coñecendo a nosa provincia: Lucus Augusti", e usando a impresora 3D (actividade de Polos Creativos) deseñaron e programaron a impresión de chaveiros de uvas, botellas e copas de viño.
Séguense cocendo na impresora 3D para podervos ofrecer unha cantidade deles para que ninguén quede sen un.
O día da nosa gran escritora galega, Rosalía de Castro, no Baliño, deunos para moitas actividades.
Cada neno ou nena realizou un debuxo empregando diferentes técnicas e métodos (por exemplo, os de 5º e 6º usando o Inskape modificaron e decoraron imaxes e textos da autora). Unha vez todos feitos, escaneámolos e imprimímolos en papel transfer para roupa.
Trouxemos camisetas lisas, de cores claros e basándonos nos obxectivos da Axenda 2030 para o Desenvolvemento Sostible,démoslles unha nova vida: estampámolas usando a prancha.
Unha actividade enmarcada nos proxectos nos que participamos de Biblioteca Creativa, Plan Innova e Polos Creativos.
Púxemolas no cole, fixémonos fotos e levámolas para as nosas casiñas, para lucir orgullos@s cando nos pete.
Andamos a voltas coa IMPRESORA 3D e desta, os maiores do cole programaron a impresión duns simpáticos gatiños para facer uns chaveiros para recaudar cartos para a excursión de fin de curso.
A máquina non para, estamos de seguido sacando produto....
No Entroido traballamos a reo para que todo quedase perfecto e os disfraces fosen chamativos e divertidos.
Algunhas mestras decidiron realizar uns deseños en CANVA para "darlle o toque de humor" aos disfraces da rapazada, traballando así unha actividade relacionada cos Polos Creativos, proxecto de formación no que participamos. Como por exemplo, os disfraces dos pescadores e pescadoras que levaban unha pegatina que dicía: "Licenza de pesca fluvial na Ribeira Sacra" ou os disfraces de apicultores e apicultoras nos que podíamos ver o logo da súa marca "Apicultor@s de Pantón".
A temática como xa se mencionou estivo enmarcada dentro do Pdi do Baliño "Coñecendo a nosa provincia Lucus Augusti"
