Proceso

Aquí especificaremos aquilo que ten que facer o alumnado, cando deben facelo e como deben facelo.

Canto máis detallemos a descrición dos pasos a seguir, máis probabilidade de éxito terá o alumnado.

Procuraremos que os pasos a seguir estean ordenados cronolóxicamente. Se establecemos personaxes para a realización das tarefas, describiremos claramente os roles de cada un deles.

Neste apartado incluiremos os recursos a empregar e proporcionaremos as ferramentas e as axudas que se precisen en cada intre. Estes recursos serán:

• Atractivos.
• Actualizados.
• De calidade.
• Adecuados ao nivel dos nosos alumnos.
• No idioma de aprendizaxe.

É de utilidade facilitar guións ou cuestionarios en varios formatos para recoller información das ligazóns visitadas.

Cando traballemos con alumnado dos primeiros cursos de Ed. Primaria é aconsellable adaptar os contidos que ofrecen certas web para que sexan máis comprensibles e accesibles. Unha boa práctica sería actuar de "curador de contidos" colocando as nosas actuacións na web do centro cun tipo e tamaño de fonte adaptado ao alumnado ao que vai dirixido.