PLAN MELLORA DE BIBLIOTECAS ESCOLARES CURSO 2012-2013

"VALORES ARREDOR DOS AUTORES III"

 Para continuar activando a dinámica da Biblioteca e tendo en conta a relevante importancia dos valores, decidiuse que a liña prioritaria de actuación sexa traballar estes valores. Da man dos contos, o alumnado ten a oportunidade de reflexionar e actuar en sintonía coa súa madurez e realidade; ao mesmo tempo que lle dan seguridade. Hai unha linguaxe próxima que lle acerca ao mundo da fantasía e lle axuda a crear e desenvolver a súa propia imaxinación. Unha linguaxe coa que gusta de aprender, compartir experiencias e pode axudar a modificar condutas.

 Nesta liña de actuación para o este curso presentaremos o VALOR de: A AMIZADE  E A XENEROSIDADE  moi próximos a eles e á súa realidade, sen deixar de afondar e consolidar os valores do esforzo, o respecto ás diferenzas e a responsabilidade; fundamentais para o seu crecemento integral e o amor e respecto aos seus maiores.

  Para comezar a mergullarnos no sentimento de a amizade e a xenerosidade, pensamos no motivador manancial próximo e querido por todos nós e o noso alumnado: O ESCRITOR ANTÓN CORTIZAS. El representa verdadeiramente este valor: amigo de todos os nenos e nenas, amigo e amante dos libros e das bibliotecas, cheo de xenerosidade, sempre disposto  a compartir o seu tempo e a súa sabedoría con todos nós.  

De aí, a nosa pretensión de que, esta biblioteca, leve o nome dun autor ferrolán tan coñecido e querido por todos:

"ANTON CORTIZAS"

GUÍA DE LECTURA NADAL 2012

GUÍA DE LECTURA VERÁN 2013