O pasado venres, 12 de febreiro "celebramos" o entroido da forma máis atípica e estrana que poidéramos imaxinar.

Para empezar, unhas fadas recibíronnos coas súas saias de tul vermello, os seus sombreiros e as súas variñas máxicas.

Disque unhas remataban de vir do bautizo da Bela Durminte, outra viña do casamento de Cincenta,

outra era a fada dos Dentes de Alemaña ( o Ratiño Pérez, alí non visita aos nenos e nenas),

outra era a fada de Azucre que quería máis festa, pois viña do ágape feito ao Crebanoces e a María,

no País das Lambetadas.

Estos personaxes axitaron as súas variñas e transportáronnos as orixes do Entroido en Galicia.

Faláronnos duns personaxes moi distintos a elas (pantallas, cigarróns, peliqueiros...)

Por uns intres fixéronnos esquecer da COVID que estamos a padecer.

Durante o recreo e a hora de ler, merendamos as saborosas sobremesas que nos prepararon as nosas familias,

tematizadas nesta festa: freixós, orellas, roscas, flores... e outras delicias.

Estivemos toda a mañá disfrazados  e fomos fotografados para que as nosas familias nos poidan ver nesta noticia.

Axita a variña e verás imaxes deste día.

 Murais feitos polo alumnado