Segundo as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia informamos dos seguintes puntos:

1. No terceiro trimestre do curso 2019-2020 o traballo do alumnado centrarase especialmente no desenvolvemento das actividades de recuperación, repaso, reforzo e afondarase nas aprendizaxes xa traballadas nos dous primeiros trimestres do curso.

2. As actividades propostas serán avaliables, flexibilizando os criterios de avaliación para adaptarse ás características deste terceiro trimestre.

• Propoñeranse actividades de avaliación periódicas.

3. Proximamente publicaranse na nosa páxina web as programacións de cada unha das áreas adaptadas ás características deste 3º trimestre nas que poderán consultar:

• As aprendizaxes de repaso ou reforzo a realizar e a metodoloxía empregada.
• Os procedementos e instrumentos de avaliación empregados.
• Os criterios de avaliación e cualificación tanto do 3º trimestre coma da cualificación final.