Dinamización da Lingua Galega

Samaín, significa o fin do verán, principio do inverno.

Na antiga cultura céltica o tempo de Samaín,  era  o período máis importante do  ano. Eran datas claves para reunirse nos camposantos, comer o porco do samaín e concelebrar as festas  dos guerreiros.  Era a noite máis perigosa do ano: as portas do outromundo abríanse e as ánimas eran quen de vir visitar este mundo e os seus moradores, ás veces para render contas inacabadas.

Para afastar dos seus castros as perigosas  ánimas errantes dos defuntos , adoitaban pór no     alto dos valados, ou encastradas nas paredes, as caveiras iluminadas dos inimigos mortos en campaña. Destas  crenzas célticas vén a tradición europea de facer caveiras na cortiza dos melóns ou cabazos. Esta tradición pervive hoxe con nomes diferentes: calacús, polas Rías Baixas, caveiras de melón en Cedeira, calabazotes en Ortigueira, colondros en Ourense.

O Samaín é o antecedente europeo do Halloween americano. Os emigrantes europeos levaron esta tradición a terras americanas e alí transmutouse nun “carnaval” outonal.

A celebración orixinal non se chamaba Halloween, senón  SAMAN, SAMAIN ou SHAMHAIN (pronunciado “XAO-IN”), e comezou varios séculos antes de Cristo entre os antigos pobos celtas.

O Equipo da Biblioteca e o Equipo de Normalización e Dinamización Lingüística   propómosvos  un agasallo para os vosos fillos e fillas nestas datas. Un libro  ensina,  ilustra,  entretén,  compártese, … Cun libro conversamos,  melloramos  a expresión,  estimulamos a imaxinación,  transmitimos  valores.  Un libro debe figurar entre os presentes  dos nosos nenos e nenas nestes entrañábeis días.  Por iso suxerímosvos  un agasallo divertido e educativo, o mesmo para todo o alumnado do mesmo nivel,  un libro que nos permita ler e comentar  de forma colectiva na aula . 

·        3 ANOS:   “OS ANIMAIS DA GRANXA” , BAÍA EDICIÓNS 

·        4 ANOS:  “ORELLAS DE BOLBORETA”,     KALANDRADRA 

·        5 ANOS:   “PACO, PAPÁN” ,  OQO EDITORA  

·        1º:  “NUBE BRANCA” , BAÍA EDICIÓNS 

·        2º:   “O LADRÓN DE SOÑOS” , XERAIS 

·        3º:  “A BOA E A AVOA”,  EDICIÓNS EMBORA 

·        4º:  “CADERNO DE LÚAS” , EDITORIAL BULULÚ

·        5º  “XOELINKY OS ORDENADORES SECUESTRADOS. AS AVENTURAS DUN CIBERPIRATA” (EDICIÓNS MOITO CONTO)

·         6º: “SIRA E O ROBOT , CRAZY TIMES ON PLANET EARTH “ , CONSORCIO EDITORIAL

LIBROS RECOMENDADOS POLO EQUIPO PARA AGASALLAR NO NADAL

4º DE E. I. :  PICURRUCHOS,  OQO EDITORA

5º DE E. I. : OS TRES PORQUIÑOS , KALANDRAKA 

6º DE E. I. : A VODA DO GALO PINTO,  OQO EDITORA

1º DE E .P. : NARIZ DE OURO,  OQO EDITORA

2º DE E. P. : CRISOL E A SÚA ESTRELA,  EDITORIAL PRIMERAPERSONA

3º DE E. P. : O ZAPATEIRO E O RAPOSO,  EDICIÓNS BOLANDA

4º DE E. P. : CONTOS VELLOS PARA RAPACES NOVOS , EDICIÓNS BOLANDA

5º DE E. P. : LOBISHOME,  EDICIÓNS BOLANDA

6º DE E. P. :  AS VIAXES FANTÁSTICAS DE JULES VERNE,  BAIA EDICIÓNS

VII CONCURSO-EXPOSICIÓN  DE FOTOGRAFÍA 

TEMA: FOTOS ANTIGAS(persoas, paisaxe rural ou urbano, automóbiles, …)

·Para toda a comunidade educativa (alumnado, familias, profesorado, persoal non docente)

·Anteriores a 1970

·Pódense entregar en formato dixital (CD, páxina web, ..) ou traer a orixinal ao colexio onde as dixitalizamos e devolvemos

·Figurará o nome do autor/a , o ano  en que foi feita e  algunha referencia sobre as persoas, o lugar etc.

·Entregaranse  no colexio antes do 13 de xaneiro de 2017

·Farase unha exposición con todas as fotografías presentadas

·Haberá agasallos para as seleccionadas

O OUTONO: NATUREZA E CELEBRACIÓNS

NA SEGUINTE PRESENTACIÓN PODEDES VER UNHA SELECCIÓN DE    FOTOGRAFÍAS PRESENTADAS PARA O ÚLTIMO CERTAME

CONCURSO DE FOTOGRAFÍA-CURSO 15-16 by Slidely Slideshow