Despois da xornada no colexio do venres tocaba visitar a nosa cidade.
Saindo, preto do colexio, fixemos unha pequena ruta en autobús con varias paradas: Monte da Guía, tour pola cidade, praia de Samil, Parque de Castrelos, Parque Quiñones de León...
O sábado a ruta comezou en Santiago para rematar en Carril coa finalidade de visitar a Illa de Cortegada. Esta illa forma parte do Parque Natural marítimo-terrestre das Illas Atlánticas. Dicirvos que esta illa é moi peculiar xa que ten representados os distintos tipos de bosque galegos, de aí o noso interese por visitala.
Despois dunha pequena travesía desembarcamos na illa e demos un paseo guiado descubrindo as distintas especies que a habitan.
Xa de volta déronnos un paseo pola ría achegándonos as pequenas illas Malveiras.
E por fin, o noso proxecto "navegou" e non só de forma virtual. Comprobádeo nas seguintes imaxes:
Penso que todos e todas, os que tivemos a sorte de disfrutar desta actividade, gardaremos un moi grato recordo!
