ELECCIÓNS PARA A RENOVACIÓN PARCIAL DOS MEMBROS DO CONSELLO ESCOLAR

Ponse en coñecemento da Comunidade Educativa deste Centro que se inicia o proceso de eleccións para a renovación parcial dos membros do Consello Escolar.

A organización e supervisión deste proceso electoral está a cargo da Xunta Electoral, presidida pola directora e integrada por unha nai e un mestre elixidos por sorteo público realizado o pasado 18 de outubro de 2024.

Nestas eleccións corresponde renovar 3 representantes do profesorado e 2 representantes dos pais/nais.

O censo de pais e nais de alumnos está exposto nas fiestras da aula de música. No caso de ser necesario realizar algunha reclamación con respecto ao censo, o prazo remata o 8 de novembro.

Nas fiestras da aula de música estará toda a información de interese relativa a este proceso, incluído o calendario electoral completo.

RESUMO DO CALENDARIO ELECTORAL

• Exposición pública dos censos: 29 de outubro.

• Prazo de presentación de candidaturas: dende o 30 de outubro ata o 8 de novembro

  (podedes recoller en dirección o modelo para a presentación de candidaturas ou descargalo no documento adxunto)

• Proclamación de candidaturas: 12 de novembro.

• Votacións: 19 de novembro (informarase do horario máis adiante)

• Proclamación de candidatos electos: 22 de novembro

• Constitución do novo Consello Escolar: 3 de decembro

Atentamente: Alba Amoedo Amoedo