«Eloísa Rivadulla»

O alumnado que foi beneficiario do vale para adquirir material escolar por importe de 50 € recibirá un vale adicional de 25 €.

As familias poderán recoller este segundo vale a partir do vindeiro luns, 17 de outubro, previa cita (Tfono. 982 82 81 33).

O vindeiro luns, día 5 de setembro, celebrarase unha reunión informativa cos pais/nais/titores legais do alumnado de 4º curso de Educación infantil, ás 10:30 horas para tratar asuntos relacionados coa nova escolarización dos seus fillos/as.

Comunícase que están publicadas no taboleiro interior do centro as listaxes definitivas de admitidos nas axudas do Fondo solidario de libros de texto cos libros que se adxudica a cada beneficiario; tamén están publicadas as dos vales para adquisición de libros de texto e material escolar. Así mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave 365 ou o certificado dixital da Fábrica Nacional da Moeda e Timbre.

Os alumnos que solicitan praza para o SERVIZO DE COMEDOR ESCOLAR  deberán cumprimentar os seguintes impresos e presentalos no  centro asinados (ata o 7 de xullo, de 10:00 a 13:00; do 1 ao 7 de setembro):

• Solicitude (os que non a teñen presentado xa)
• Modelo de autodeclaración

Instruccións

Simulador para calcular o prezo do comedor.

Os pais/nais/titores legais dos alumnos que remataron 6º curso de E. Primaria promocionando ao instituto poden xa para pasar polas oficinas do centro (do 28 de xuño ao 7 de xullo, de 10:00 a 13:00)  e recoller os HISTORIAIS ACADÉMICOS. Os que non sexan recollidos nesas datas poderán recollerse a partir do 1 de setembro.

Estes documentos orixinais (antigamente eran os LIBROS DE ESCOLARIDADE) deberanse conservar sempre en propiedade do alumno, aportando fotocopias cando lle sexan requeridos para calquera trámite. Para a matrícula no instituto non lle deberán ser requeridos pois, segundo a normativa vixente, o centro remitiralle copias dos mesmos ao instituto correspondente previa petición deste.(Art. 14.3 da ORDE do 9 de xuño de 2016 pola que se regula a avaliación e a promoción do alumnado que cursa educación primaria na Comunidade Autónoma de Galicia)