CEIP de Teixeiro

Un dos obxectivos do noso centro a través dos proxectos enmarcados en CPInclúe e Boas Prácticas Inclusivas é mellorar a accesibilidade no noso centro educativo.

Durante este curso 23-24 e, grazas á colaboración da asociación COGAMI, isto comeza a ser posible. Este organismo elaborou para o CEIP de Teixeiro un plan de accesibilidade de todo o centro educativo remarcando aquelas zonas onde se podería actuar a nivel de accesibilidade.

Este plan presentarase perante o Consello Escolar do centro, para a súa análise, e tamén se enviará ao órgani competente da Consellería de Cultura, Educación e Universidade a fin de que se teña en conta e se poidan realizar algunhas actuacións no edificio.

Agora, confiamos en que todos os órganos da Comunidade Educativa colaboren con nós para poder levalo á práctica e ter así un centro educativo accesible para toda persoa que acceda ás nosas dependencias.

Segundo as instrucións para a reserva de praza no centro de adscrición correspondente, recollidas na disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022 comunicámoslles a apertura do prazo para a presentación de solicitude co código de procedemento ED550A para cambio dun centro a outro ao que se está adscrito.

Isto afecta ao alumnado de 6º de Educación Primaria que desexen cursar a ESO no IES de Curtis, que é o instituto ao que este centro está adscrito.

O prazo de presentación é do 15 de xaneiro ao 5 de febreiro de 2024 ambos incluídos.

Presentación da documentación:

- As familias terán que entregar a solicitude de reserva de praza en horario de secretaría no centro de orixe (no CEIP de Teixeiro) : ANEXO ED550A

- Ou ben poden presentar a solicitude na sede electrónica da Xunta de Galicia ou a través da aplicación ADMISIÓNALUMNADO.

Máis información na páxina web de Educación da Xunta. Pinchade aquí