O venres 14 de outubro, publicouso no DOG a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.
Así pois, ten por obxecto articular a concesión directa da ampliación da axuda para adquirir material escolar, regulada na Orde do 29 de abril de 2022 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en centros docentes sostidos con fondos públicos en educación primaria, educación secundaria obrigatoria e educación especial para o curso escolar 2022/23.
Persoas destinatarias:
- As familias que xa foron beneficiarias desta axuda para adquirir material escolar. Debe recoller o vale a persoa que realizou a solicitude inicial.
- Alumnado que se incorpore a un centro docente sostido con fondos públicos ao longo do curso e ata o do 31 de marzo de 2023, que perciba a axuda para adquirir material escolar.
Contía: 25 € adicionais.
Uso do vale: As persoas beneficiarias deberán usar os vales nas librarías e demais establecementos o antes posible e, en todo caso, antes do 10 de abril de 2023.
Adxuntamos a resolución para maior información e, atenderemos calquera dúbida no centro educativo.
Coa finalidade de mellorar a organización do centro poderán pasar a recoller os vales dende o luns 17 de outubro e en horario de: 08:40 a 09:00 ou de 13:00 a 13:30 horas.