POLA NOSA SEGURIDADE
Como sabedes, as obras do peirao aínda non acabaron polo que o espazo nas entradas e saídas do cole, vense un pouco apretadas de xente, buses e coches.
Como podedes ver no plan de acollida, as persoas e os buses teñen un horario establecido polo que os que non tedes máis remedio que achegarvos en transporte privado ao cole, pola seguridade de tódolos usuarios do centro: nenas, nenos, familias, docentes, traballadores/as procurade ir a modo, respectando a prioridade e vulnerabilidade que ten calquera peón ou transporte de grupos colectivos frente a un particular.
Por isto, dende a escola pedimos un pouquiño de paciencia e calma nas entradas e saídas a todos/as, sen dubidar que o facemos o mellor que podemos e sabendo que coller as rutinas son difíciles e leva uns días de adaptación.
Agradecemos a vosa colaboración en pro da seguridade das persoas que formamos parte do colexio.
Bo comezo!
COMEZAMOS
Esta semana xa comezamos cos horarios normais.
As entradas de Primaria serán dende as 8:30 ata ás 8:45 e as de Infantil dende as 8:45 ata as 8:55. Os que cheguedes retrasados teredes que entrar pola porta principal da escola e esperar a que unha persoa do centro vos acompañe á aula.
As saídas serán feitas por quendas:
Infantil:
CURSO |
HORA DE SAÍDA |
4º IA |
De momento o que indique o plan de adaptación - Despois ás 13:05h |
4ºIB |
De momento o que indique o plan de adaptación - Despois ás 13:10h |
5ºIA |
13:15h |
5º IB |
13:20h |
6º IA |
13:25h |
6ºIB |
13:30h |
Primaria
CURSO |
HORA DE SAÍDA |
1º |
13:35 (porta principal) |
2º |
13:40 (porta principal) |
3º |
13:45 (porta principal) |
4º |
13:35 (porta pavillón) |
5º |
13:40 (porta pavillón) |
6º |
13:45 (porta pavillón) |
Lembrádevos de botarlle un ollo ao Plan de Acollida (debaixo desta entrada) onde tedes toda a información sobre este curso.
Bo comezo!
DOCUMENTOS INICIO DE CURSO 2021-2022
DOCUMENTOS IMPORTANTES
2021-2022
A continuación compartimos infomación importante para este inicio de curso.
Esta información está composta por diferentes documentos: Plan de continxencia, Plan de acollida, Declaración responsable e Enquisa de autoavaliación sanitaria. Recordamos que a DECLARACIÓN RESPONSABLE terá que vir asinada os primeiros días de curso por cada familia.
Aquelas familias que non poidan imprimir esta declaración, terán o modelo impreso nunha mesa á entrada do recinto escolar.
_ Para acceder á información pinchade enriba de cada un:
Enquisa de autoavaliación sanitaria
Permanecede atentas á páxina web para próximas actualizacións na documentación deste curso.
Benvidos e benvidas ao curso 2021-2022
BENVIDAS E BENVIDOS AO CURSO ESCOLAR 2021-2022
Estimadas familias
O novo equipo directivo quere darvos a benvida a este novo curso escolar 2021-2022.
A pesar das dificultades que vivimos nos últimos tempos, estamos convencidas de que o conxunto da comunidade educativa conseguiremos que a escola continúe sendo un lugar seguro, acolledor, agradable e cheo de novas aprendizaxes para os vosos fillos e fillas.
Agradecemos, de antemán, a vosa colaboración.
A continuación compartiremos información IMPORTANTE relacionada coa ORGANIZACIÓN do primeiro día lectivo.
Quedamos á vosa disposición
Saúdos e bo comezo para todos e todas.
INICIO DO CURSO 2021-2022
ALUMNADO DE EDUCACIÓN INFANTIL:
O alumnado de 4º de Educación Infantil seguirá o Período de Adaptación remitido por correo electrónico durante o verán.
É importante que veña acompañado só por unha persoa (preferiblemente que non sexa de risco). É obrigatorio que o/a acompañante leve máscara e garde a distancia de seguridade.
O día 9 de setembro empezará o alumnado de 5º e 6º de Educación Infantil, que entrarán polo portalón principal, seguindo as medidas de seguridade citadas anteriormente, no seguinte horario:
Un membro do equipo directivo acompañará ás titoras ata o portalón para recibirvos e darvos a benvida a este novo curso escolar.
ALUMNADO DE EDUCACIÓN PRIMARIA
O día 9 iniciará o curso todo o alumnado de Educación Primaria.
O alumnado de 1º, 2º e 3º de Educación Primaria entrarán polo portalón principal e o alumnado de 4º, 5º e 6º Educación Primaria polo portalón do pavillón. En tódolos casos recomendamos só un acompañante por neno/a e que non sexa unha persoa de risco. Agardaredes no peirao, fóra do recinto, ata que se vos chame. É obrigatorio o uso de máscara e respectar a distancia de seguridade.
Os horario de entrada son os seguintes:
Un membro do equipo directivo acompañará aos titores e titoras ata o portalón para recibirvos e darvos a benvida a o novo curso escolar.
GARANTIRASE O SERVIZO DE TRANSPORTE ESCOLAR NO HORARIO HABITUAL TANTO NAS ENTRADAS COMO NAS SAÍDAS, ASÍ COMO O COMEDOR.
AVISO IMPORTANTE:
Na páxina web, no Facebook, blogs de aula e a través de ABALARMÓVIL, colgaremos un dossier coa información correspondente a este inicio de curso. Nesa información irá incluída unha DECLARACIÓN conforme recibistes a información pertinente, que cada familia deberá traer asinada ese primeiro día de curso. Aquelas familias que non poidan imprimir esta declaración, terán o modelo impreso nunha mesa á entrada do recinto escolar nos días anteriores ao inicio das clases ou nese mesmo día.
PRAZO DE MATRÍCULA PARA O COMEDOR. CURSO 2021-2022
Familias, entre o 10 e 30 de Agosto estará aberto o prazo para matricularse no comedor
escolar.
Estade atentos e atentas ás novas que se colgarán os vindeiros días no blog da ANPA coa
información necesaria.
Enlace para acceder ao blog!
http://anpacouceiro.blogspot.com/
FONDO SOLIDARIO DE LIBROS DE TEXTO: AXUDAS PARA ADQUIRIR LIBROS DE TEXTO E MATERIAL ESCOLAR
A partir do día 21 de maio e ata o día 22 de xuño estará aberto o prazo para solicitar as axudas
para adquisición de libros de texto e material escolar
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »
![CEIP Couceiro Freijomil RSS Distribuir contido](/centros/ceipcouceirofreijomil/misc/feed.png)