MAGOSTO NO COUCEIRO:

Como facemos un PORTACASTAÑAS?

OLLADE!  

Grazas pola vosa colaboración! 

PRECAUCIÓN!

CIRCULACIÓN DE CAMIÓNS!

Ao longo da mañá do próximo luns 08 de novembro a empresa encargada das obras do peirao comunica que: Co fin de adiantar as obras deberán circular camións, de forma continuada, por diante das entradas principais do colexio.

POLO QUE DEBEREMOS DE SER CAUTOS/AS!

Será importante que todos e todas colaboremos e estemos moi atentos/as ao tráfico que poida haber no momento de entrar e saír pola seguridade dos nosos fillos e fillas. 

Un saúdo 

Equipo Directivo

ELECCIÓN DOS REPRESENTANTES DE NAIS, PAIS E TITORES LEGAIS AO CONSELLO ESCOLAR

CONVOCATORIA

De acordo coa Resolución do 20 de setembro de 2021 da Secretaría Xeral de Educación e Formación Profesional pola que se establece e calendario para a celebración de eleccións de membros dos consellos escolares de centros docentes sostidos con fondos públicos (DOG do 29 de setembro), a Xunta Electoral deste centro, en virtude das atribucións que lle son conferidas pola lexislación vixente, dispón a convocatoria de eleccións ao Consello Escolar, SECTOR DE PAIS E NAIS DO ALUMNADO, segundo as seguintes normas:

1.- De acordo co disposto no Artigo 41 do Decreto 374/1996, do 17 de outubro (DOG do 21), redactado conforme ao establecido na disposición adicional terceira 1 do Decreto 7/1999, do 7 de xaneiro (DOG do 26), corresponde elixir no presente proceso electoral a 2 pais/nais dun total de cinco que debe ter o Consello Escolar.

2.- Son electores todos os pais e nais ou, se é o caso, os titores legais do alumnado matriculado no centro e incluídos no censo correspondente que a partir do día 2 de novembro estará exposto no taboleiro de anuncios. As reclamacións ao referido censo realizaranse mediante escrito razoado dirixido á Xunta Electoral, ata as 13.45 horas do día 11 de novembro.

3.- Son elixibles os pais e nais ou, se é o caso, os titores legais, que formulen a súa candidatura oficial segundo o modelo que se facilitará na secretaría do colexio. As candidaturas poderán ser presentadas desde o día 4 de novembro ata as 14.00 horas do 11 de novembro.

4.- O sorteo dos membros da mesa electoral realizarase en acto público, entre os pais e nais que non se presenten como candidatos/as, o día 15 de novembro, ás 09:00 horas. A dita mesa electoral estará composta pola directora en funcións/xefa de estudos do centro, que actuará como presidenta, e catro pais/nais ou titores legais, actuando de secretario/a o/a de menor idade.

5.- A campaña electoral comprenderá desde o 16 ao 21 de novembro, ambos días inclusive. As dependencias e servizos do centro estarán a disposición das persoas candidatas, previa petición á presidenta da Xunta Electoral, sempre que o seu uso non altere o normal funcionamento educativo do colexio. O día 22 de novembro, véspera das votacións, non se poderá facer campaña electoral.

6.- Poderán actuar como supervisores/as da votación os/as pais/nais ou titores/as legais do alumnado matriculado no centro que sexan propostos/as pola ANPA ou, no seu defecto, que estean avalados/as cando menos pola firma de 10 electores/as.

7.- As votacións realizaranse neste colexio público o día 23 de novembro, de 17.00 a 19.00 horas. A mesa electoral será constituída o mesmo día, en acto público, ás 16.45 horas.

8.- Na papeleta de votación cada elector/a fará constar un máximo de 1 nome dos candidatos/as presentados/as, debendo acreditar a súa personalidade á hora de votar, mediante exhibición do DNI ou documento similar. O voto será directo, secreto e non delegable  e non se admitirá o voto por correo.

9.- Teñen dereito ao voto o pai e a nai, se é o caso, o/a titor/a legal do alumnado.

10.- Finalizada a votación procederase ao escrutinio dos votos, que será público, e unha vez realizado, levantarase acta para o seu envío á Xunta Electoral do centro.

11.- A Xunta Electoral do centro resolverá as dúbidas e reclamacións que se poidan formular.

Pontedeume, a 2 de novembro de 2021

A presidenta da Xunta Electoral

Rosalía Iglesias Carrillo

2957 GRAZAS

Sumámonos ao agradecemento da ANPA.

Non temos palabras!!

http://anpacouceiro.blogspot.com/

O pasado venres celebramos no cole o SAMAÍN!

QUEREDES VELO?

OLLADE

https://www.youtube.com/watch?v=S_q6y-_YJ-c

Estimadas familias

Compartimos con vós un pequeno resumo das xornadas das eleccións do PDI do centro...

Como ben sabedes, este ano eran os nenos e nenas os responsables de escoller o tema do PDI!

O escollido foi: ARTE! 

Ollade o video e mirade!

Pinchade no enlace:                                                  

https://www.youtube.com/watch?v=OIq0YganGUM

ESPEREMOS QUE SEXA DO VOSO AGRADO!!!!!

SRA. PRESIDENTA DA XUNTA ELECTORAL DO CEIP COUCEIRO FREIJOMIL

ANUNCIO DO SORTEO DA XUNTA ELECTORAL

De conformidade co establecido na Resolución do 20 de setembro de 2021 da Secretaría Xeral de Educación e Formación Profesional (DOG do 29 de setembro), realizaranse proximamente neste Centro a renovación parcial do CONSELLO ESCOLAR que é o instrumento de participación na vida escolar de todos os sectores educativos do colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

−                   

O director ou directora do centro/ directora accidental.

−                   

Un membro do profesorado.

−                   

Un pai, nai ou titor/a legal.

−                   

Un representante do persoal de administración e servizos.

Os tres últimos serán designados por sorteo segundo establece o Artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). O dito sorteo, que será público e no que se preverá a designación de membros suplentes, celebrarase neste centro o vindeiro día 27 de outubro, MÉRCORES, ás 11:15 horas.

Aqueles membros da comunidade educativa que desexen presentar as súas candidaturas para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do centro.

Pontedeume, 25 de outubro de 2021

Directora accidental

Rosalía Iglesias Carrillo

Queridas familias

O vindeiro venres, 29 de outubro, festexaremos o Samaín. 

Seguindo co costume destes anos, faremos no cole unha exposición de cabazas.

Os nenos e nenas poderán traelas (de maneira VOLUNTARIA)ese mesmo día, xa

talladas e decoradas da casa, favorecendo así o traballo en familia.

Dada a situación sanitaria, para favorecer as entradas ,deberán ser cabazas

pequenas que poidan ser transportadas facilmente polo propio alumnado, que

serán os encargados de colocalas no xardín cando cheguen á escola no lugar que

lle correponda por nivel (haberá carteis). No caso de alumnado de infantil, os

encargados de depositar as cabazas serán os acompañantes deses nenos e nenas,

despois de deixalos na porta de infantil. O alumnado de autobús deberá traela

nunha bolsa para favorecer o seu transporte. Estes últimos as deixarán na aula,

para a súa posterior colocación. 

Ademais, se queredes, os nenos e nenas poderán vir disfrazados da casa, pero sen

complementos que dificulten a desinfección de mans nas entradas e saídas.

Tamén realizaremos a "lectura ás escuras" polo que o alumnado poderá traer unha

lanterna de casa (identificada co seu nome). 

Moitas grazas pola vosa colaboración. 

Como sabedes, as obras do peirao aínda non acabaron polo que o espazo nas entradas e saídas do cole, vense un pouco apretadas de xente, buses e coches.

Como podedes ver no plan de acollida, as persoas e os buses teñen un horario establecido polo que os que non tedes máis remedio que achegarvos en transporte privado ao cole, pola seguridade de tódolos usuarios do centro: nenas, nenos, familias, docentes, traballadores/as procurade ir a modo, respectando a prioridade e vulnerabilidade que ten calquera peón ou transporte de grupos colectivos frente a un particular.

Por isto, dende a escola pedimos un pouquiño de paciencia e calma nas entradas e saídas a todos/as, sen dubidar que o facemos o mellor que podemos e sabendo que coller as rutinas son difíciles e leva uns días de adaptación.

Agradecemos a vosa colaboración en pro da seguridade das persoas que formamos parte do colexio.

Bo comezo! 

Esta semana xa comezamos cos horarios normais.

As entradas de Primaria serán dende as 8:30 ata ás 8:45 e as de Infantil dende as 8:45 ata as 8:55. Os que cheguedes retrasados teredes que entrar pola porta principal da escola e esperar a que unha persoa do centro vos acompañe á aula.

As saídas serán feitas por quendas:

Infantil:

Primaria

Lembrádevos de botarlle un ollo ao Plan de Acollida (debaixo desta entrada) onde tedes toda a información sobre este curso.

Bo comezo!