Agora que se achega o Samaín, o alumnado de 5º e 6º fixo en Arts as súas parodias deste coñecido cadro relacionado co medo no que vemos unha figura berrando en primeiro plano.

Nas súas versións, son elas e eles quenes berran de terror... ou será de risa? Xulgade vós, podedes velas no segundo piso. 

Na clase de Arts de 5º EP coñecemos á artista xaponesa Yayoi Kusama cunha caixa de aprendizaxe chea de material e información sobre ela e co seguinte vídeo, co que podedes aprender máis sobre a biografía da artista que creou un universo de puntos.

A continuación, fixemos a nosa homenaxe creando unhas cabazas coloridas e decoradas con puntos, inspiradas na obra desta particular artista.

Podedes desfrutar da exposición das cabazas feitas polo alumnado de 5º e dos cogomelos creados pola rapazada de 6º na planta baixa da escola. Non vola perdades, merece a pena ver estas marabillosas obras de arte en persoa.

O alumnado de terceiro ciclo comezou a traballar en Arts sobre o artista Jean-Michel Basquiat.

En Arts de 5º e 6º estivemos traballando sobre a marabillosa pintora Hilma af Klint, que nos abraiou coas súas espectaculares obras e coa súa incrible historia.

Neste mes de marzo, mes da muller, en Arts de terceiro ciclo estamos afondando sobre mulleres artistas, e tras Bridget Riley como figura representativa do Op art, desta volta tocoulle o turno á artista sueca Hilma af Klint, que foi a pioneira do arte abstracto, xa que creou os seus primeiros cadros abstractos en 1906, anos antes que Wassily Kandinsky, Piet Mondrian e Kazimir Malévich, quenes tradicionalmente foron considerados os primeiros en realizar obras deste tipo.

Os cadros abstractos de Klint non foron coñecidos ata 1986, xa que ela mesma deixou instrucións de que as súas obras debían permanecer ocultas e non podían ser amosadas ao público ata polo menos vinte anos despois da súa muerte, debido a que consideraba que a xente da súa época non estaba preparada e non comprendería ese tipo de arte.

Tanto a biografía coma a obra desta incrible muller son merecedoras de que todas e todos investiguemos e afondemos máis sobre elas. Polo menos a nós, Hilma roubounos o corazón.

Tras coñecela e admirar as súas obras, os rapaces e rapazas de 5º e 6º crearon a súa persoal versión do arte de Hilma, mesturando formas xeométricas e outras máis orgánicas que nos lembran ás que atopamos na natureza, empregando cores vivas e vibrantes. Ademais, debían engadir, como mínimo, un adxectivo en inglés que elas e eles consideren que describe como son as mulleres.

O resultado, coma sempre, un espectáculo para os sentidos, ou se non, vide ver a exposición da planta baixa da escola e veredes.