O 6 de abril visitounos no Castelao M. Manuel Vázquez Pena, máis coñecido como Manel, un Luthier do noso concello.
Trouxo ata a nosa escola moitos dos instrumentos que el mesmo fabrica de xeito artesanal. Tamén nos trouxo os materiais e ferramentas que emprega para construílos e explicounos cales son as madeiras e peles mais axeitadas para cada un deles. Vimos como domeaba as madeiras para facer os aros das pandeiretas, pandeiros e tambores. Tamén vimos como insertaba as peles, as ferreñas, os bordóns e todas e cada unha das pezas que forman parte dos instrumentos de percusión da nosa música tradicional.
Moitas grazas Manel por amosarnos tan ben o teu traballo.
Se queredes visitar a páxina web deste artesán, premede aquí.